ગાંધીનગર:ગુજરાત રાજ્યના વન વિભાગ દ્વારા વહીવટી પ્રક્રિયાના ભાગરૂપે સિનિયર કારકુન, વર્ગ-૩ સંવર્ગના કર્મચારીઓની બદલીના મહત્વના આદેશો જારી કરવામાં આવ્યા છે. અગ્ર મુખ્ય વન સંરક્ષક અને હેડ ઓફ ફોરેસ્ટ ફોર્સની કચેરી, ગાંધીનગર દ્વારા ઈ-ગુજ ફોરેસ્ટ પર મળેલી અરજીઓને ધ્યાને લઈને કુલ 9 કર્મચારીઓની બદલી કરવામાં આવી છે. ડૉ. એ. પી. સિંહના હસ્તાક્ષરથી થયેલા આ હુકમ મુજબ તમામ કર્મચારીઓએ તાત્કાલિક અસરથી પોતાની નવી નિયુક્તિની જગ્યાએ હાજર થવાનું રહેશે.

બદલી પામેલા કર્મચારીઓની વિગતવાર યાદી:
વન વિભાગ દ્વારા જાહેર કરવામાં આવેલા પત્રક મુજબ નીચે મુજબના ફેરફારો કરવામાં આવ્યા છે:
 * રુશાંગ નરેશભાઈ બોરીશા: પ્રોટેક્શન પાંખ, ગાંધીનગરથી બદલી કરીને પ્લાન-૨, વિકાસ અને વ્યવસ્થા પાંખ, ગાંધીનગર ખાતે ખાલી જગ્યાએ નિમણૂંક અપાઈ છે.
 * ભાવેશ કેશવલાલ ભાલુ: સુરેન્દ્રનગર વન વિભાગથી રાજકોટ સામાજીક વનીકરણ વર્તુળની કચેરી ખાતે ખાલી પડેલ જગ્યાએ બદલી કરવામાં આવી છે.
 * શાહબાજખાન એસ. પઠાણ: અમદાવાદ સામાજીક વનીકરણ વર્તુળમાંથી ગાંધીનગર વન વર્તુળની કચેરી હેઠળ ગુજરાત બાયોડાયવર્સિટી બોર્ડ ખાતે પ્રતિનિયુકિતથી નિમણૂંક અપાઈ છે.
 * મેહુલકુમાર બી. કટારીયા: સુરત સામાજીક વનીકરણ વિભાગથી વહીવટી પાંખ, અરણ્યભવન, ગાંધીનગર ખાતે બદલી કરવામાં આવી છે.
 * રવિન્દ્રભાઈ પી. વસાવા: નર્મદા વન વિભાગથી નર્મદા સામાજીક વનીકરણ વિભાગની કચેરી ખાતે ખાલી જગ્યાએ નિમણૂંક પામ્યા છે.
 * નરેશભાઇ એસ. વસાવા: સિલ્વા, રાજપીપળાથી નર્મદા વન્યજીવ વિભાગની કચેરી ખાતે બદલી કરવામાં આવી છે.
 * શ્રીમતી કિરણબેન ડી. બોદર: ગુજરાત બાયોડાયવર્સિટી બોર્ડ, ગાંધીનગરથી પ્રોટેક્શન પાંખ, અરણ્યભવન, ગાંધીનગર ખાતે ખાલી જગ્યાએ નિમણૂંક અપાઈ છે.
 * અશોકભાઇ એન. પરમાર: વહીવટી પાંખ, ગાંધીનગરથી સાબરકાંઠા વન વિભાગની કચેરી ખાતે ખાલી જગ્યાએ બદલી કરવામાં આવી છે.
 * જયશ્રીબેન ઈશ્વરલાલ કવાડીયા: રાજકોટ સામાજીક વનીકરણ વર્તુળની કચેરીથી મોરબી વન વિભાગની કચેરી ખાતે બદલી કરવામાં આવી છે.

કડક શરતો અને સૂચનાઓ
આ તમામ બદલીઓ કર્મચારીઓની પોતાની માંગણી મુજબ કરવામાં આવી હોવાથી તેઓને કોઈપણ પ્રકારનું બદલી ભથ્થું કે જોઇનિંગ ટાઇમ મળવાપાત્ર રહેશે નહીં. વહીવટી તંત્ર દ્વારા સ્પષ્ટ સૂચના આપવામાં આવી છે કે જો કોઈ કર્મચારી નવી જગ્યાએ હાજર થવામાં ગેરહાજર રહેશે, તો તે સમયગાળાને બિનઅધિકૃત ગેરહાજરી તરીકે ગણવામાં આવશે. કર્મચારીઓએ હાજર થયા અંગેનો અહેવાલ ઈ-મેલ દ્વારા મોકલવાનો રહેશે અને ઈ-ગુજ ફોરેસ્ટમાં માહિતી અપડેટ કરવાની રહેશે. આ આદેશની નકલ વન અને પર્યાવરણ વિભાગના અગ્ર સચિવ તેમજ સંબંધિત નાયબ વન સંરક્ષકોને જરૂરી કાર્યવાહી માટે રવાના કરવામાં આવી છે.