સુરતમાં BRTS રૂટના ખોટકાયેલા સ્વીંગ ગેટને ફરી કાર્યરત કરવા કવાયત શરૂ થઈ છે. બસ સેવાને વધુ સુરક્ષિત અને ઝડપી બનાવવા માટે પાલિકાનો પ્રયાસ ચાલી રહ્યો છે. 270 બંધ સ્વીંગ ગેટને ફરી કાર્યરત કરવાની દિશામાં કામગીરી શરૂ કરવામાં આવી છે. મેન્ટેનન્સના અભાવે ઘણા સમયથી સ્વીંગ ગેટ બંધ હાલતમાં હતા. ટ્રાફિક BRTS પ્રોજેક્ટ સેલે રૂ. 2.37 કરોડથી વધુનું ટેન્ડર પ્રસિદ્ધ કર્યું છે. ટેન્ડર અંતર્ગત પાંચ વર્ષ સુધી તેની સંપૂર્ણ જવાબદારી એજન્સીની રહેશે. સ્વીંગ ગેટમાં નવી ટેક્નોલોજીનો પણ સમાવેશ કરવામાં આવશે. ગેટને બળજબરીથી ખોલવાનો પ્રયાસ કરાશે તો તુરંત જ બેલ વાગશે.