અમદાવાદ: ગુજરાતમાં એકતરફ ઉનાળો આકરો બની રહ્યો છે અને સૂર્યદેવતા આકરી ગરમી વરસાવી રહ્યા છે, ત્યારે બીજી તરફ રાજ્યના જાણીતા હવામાન નિષ્ણાત અંબાલાલ પટેલે મોટી આગાહી કરીને સૌને ચોંકાવી દીધા છે. અંબાલાલ પટેલના જણાવ્યા મુજબ, આગામી દિવસોમાં ગુજરાતના વાતાવરણમાં મોટો પલટો આવવાની શક્યતા છે, જેમાં કાળઝાળ ગરમીની સાથે તેજ પવન અને ગાજવીજ સાથે વરસાદ પડી શકે છે.
ગરમી અને વરસાદનો અજીબ સંગમ અંબાલાલ પટેલની આગાહી અનુસાર, રાજ્યના તાપમાનમાં સતત વધારો થતાં મહત્તમ તાપમાન 42 થી 45 ડિગ્રીને પાર કરી શકે છે. જોકે, આ ભીષણ ગરમી વચ્ચે વેસ્ટર્ન ડિસ્ટર્બન્સ સર્જાવાને કારણે પ્રી-મોન્સૂન એક્ટિવિટીના ભાગરૂપે માવઠું થઈ શકે છે. ખાસ કરીને ઉત્તર ગુજરાત, સૌરાષ્ટ્ર અને કચ્છના ભાગોમાં ધૂળની ડમરીઓ અને વંટોળ સાથે હળવોથી મધ્યમ વરસાદ પડવાની શક્યતા છે.
ખેડૂતો માટે ચિંતાના વાદળો ચૂંટણીના માહોલ અને ઉનાળુ પાકની સીઝન વચ્ચે આ કમોસમી વરસાદની આગાહીએ ખેડૂતોની ચિંતામાં વધારો કર્યો છે. ખેતરમાં તૈયાર થયેલા પાક અને બાગાયતી પાકો (ખાસ કરીને કેરી) ને આ આંધી-વંટોળ અને માવઠાથી મોટું નુકસાન થવાની ભીતિ સેવાઈ રહી છે.