નડીયાદ: ભારતીય જનતા પાર્ટી દ્વારા ગુજરાતમાં સ્થાનિક સ્વરાજની ચૂંટણીઓના ગરમાવા વચ્ચે નડીયાદ મહાનગરપાલિકા માટેના ઉમેદવારોના નામોની સત્તાવાર જાહેરાત કરવામાં આવી છે. પ્રદેશ ભાજપ કાર્યાલય 'શ્રી કમલમ્' ખાતે પ્રદેશ અધ્યક્ષ જગદીશ વિશ્વકર્માની અધ્યક્ષતામાં મળેલી મહત્વની બેઠક બાદ આ યાદી પ્રસિદ્ધ કરવામાં આવી છે. પ્રદેશ મહામંત્રી ડો. પ્રશાંત કોરાટની સહી સાથે જાહેર થયેલી આ યાદીમાં કુલ ૧૩ વોર્ડની ૫૨ બેઠકો પર પક્ષે પોતાના વિશ્વાસુ મૂરતિયાઓ મેદાનમાં ઉતાર્યા છે.

વોર્ડ વાઈઝ જાહેર થયેલા ઉમેદવારોની સંપૂર્ણ વિગત:
પક્ષ દ્વારા જાહેર કરવામાં આવેલી યાદી મુજબ નડીયાદના વિવિધ વોર્ડમાં નીચે મુજબના ઉમેદવારો ચૂંટણી લડશે:

*વોર્ડ નંબર ૧ થી ૩ ના ઉમેદવારો*
વોર્ડ નંબર ૧ માં લીલાબેન પૂનમભાઈ પરમાર, ભાવિશાબેન સુકીતકુમાર પટેલ, સુનિલકુમાર રમણભાઇ સોનારા અને પરેશભાઈ મનુભાઈ પટેલને ટિકિટ આપવામાં આવી છે. વોર્ડ નંબર ૨ માં પિંકલબેન હિતેશભાઈ રબારી, રેખાબેન રમાકાંત મિશ્રા, બકુલભાઈ હરતનભાઇ રબારી અને હર્ષદભાઈ ગોવિંદભાઈ ગોહિલ મેદાનમાં છે. જ્યારે વોર્ડ નંબર ૩ માં પ્રવિણાબેન સુરેશભાઈ ટહેલ્યાની, જ્યોતિબેન સૂર્યકાંતભાઈ તળપદા, બાલાભાઈ નાગજીભાઈ ભરવાડ અને હેમાંગકુમાર સંજીવભાઇ પટેલ પક્ષનું પ્રતિનિધિત્વ કરશે.

*વોર્ડ નંબર ૪ થી ૬ ના ઉમેદવારો*
વોર્ડ નંબર ૪ માં ભાજપે લાભુબેન અજયભાઈ ભરવાડ, મિતાબેન પિયુષકુમાર પટેલ, શેખર રમેશભાઇ ભીલ અને નૈનેશકુમાર પ્રફુલભાઈ પટેલની પસંદગી કરી છે. વોર્ડ નંબર ૫ માં પુષ્પાબેન ચીમનભાઈ પરમાર, રીમાબેન સ્નેહલકુમાર પટેલ, પરાગ જગદીશચંદ્ર બ્રહ્મભટ્ટ અને મહંમદ રફીક ઇબ્રાહીમભાઇ શાભઇ (ગોગો) ને ઉમેદવાર બનાવ્યા છે. વોર્ડ નંબર ૬ માં રીપુબેન સુશીલભાઈ પટેલ, શાનુ નિતેશભાઈ પટેલ (નાનો ભીખો), અમૃતભાઇ રાવજીભાઇ પરમાર અને શિલ્પનકુમાર રાજેન્દ્રભાઈ પટેલ ચૂંટણી લડશે.

*વોર્ડ નંબર ૭ થી ૯ ના ઉમેદવારો*
વોર્ડ નંબર ૭ માં ધૃતિબેન ધ્રુવભાઈ પટેલ, મેઘના વિકાસ કુમાર શાહ, ધ્રુવ ભરતભાઈ બારોટ અને ભાવેશકુમાર અશ્વિનભાઇ દેસાઇની પસંદગી થઈ છે. વોર્ડ નંબર ૮ માં ભૂમિબેન દિવ્યેશકુમાર બ્રહ્મભટ્ટ, કરિશ્મા અર્પિતકુમાર પરેરા, જય ભુપેન્દ્રભાઈ વાઘેલા અને શૈલેષકુમાર દિનેશભાઇ પરમારને ટિકિટ મળી છે. વોર્ડ નંબર ૯ માં સજ્જન બેન અશોકભાઈ ગોહિલ, કાજલબેન સુનિલભાઈ પટેલ, મયુરકુમાર હર્ષદભાઈ પટેલ અને કલ્પેશકુમાર રાકેશભાઇ રાવળ પક્ષ તરફથી મેદાનમાં ઉતરશે.

*વોર્ડ નંબર ૧૦ થી ૧૩ ના ઉમેદવારો*
વોર્ડ નંબર ૧૦ માં ભૂમિકાબેન જતીન પટેલ, મેઘાબેન અલ્પેશકુમાર પટેલ, પ્રકાશભાઈ જાદવભાઈ મિસ્ત્રી અને હિરેન જનકભાઈ પટેલની પસંદગી કરવામાં આવી છે. વોર્ડ નંબર ૧૧ માં નીલમબેન રુચિરભાઈ જોશી, પ્રતીક્ષાબેન અવનીશકુમાર જોશી, સમીર કૃષ્ણકાંત બારોટ અને મનીષભાઈ મહેન્દ્રભાઈ પટેલને પક્ષે ઉતાર્યા છે. વોર્ડ નંબર ૧૨ માં સેજલબેન મોહનભાઈ રબારી, સ્નેહલબેન વ્રજેશ પટેલ, ગૌરાંગભાઈ શાંતિલાલ પટેલ અને હેમલકુમાર ચીનુભાઇ પટેલનો સમાવેશ થાય છે. અંતે વોર્ડ નંબર ૧૩ માં સોનલબેન ભરતભાઇ તળપદા, કિન્નરીબેન ચિરાગકુમાર શાહ, હિરેનકુમાર સુરેશભાઈ દેસાઈ અને ઇશિત જગદીશભાઈ પટેલના નામ જાહેર કરવામાં આવ્યા છે.