વડોદરા: વડોદરાના સાવલી ભાજપમાં આંતરિક અસંતોષ વકર્યો છે. ધારાસભ્ય કેતન ઇનામદારના નજીકના ગણાતા અને યુવા મોરચાના ઉપપ્રમુખ આકાશ પટેલે વોર્ડ નં-6 માંથી ટિકિટ ન મળતા અપક્ષ ઉમેદવારી નોંધાવવાનો નિર્ણય કર્યો છે. સાત વર્ષથી પક્ષમાં સક્રિય હોવા છતાં સતત બીજી વાર અવગણના થતા આકાશ પટેલે બળવો પોકાર્યો છે. આ ઘટનાથી સ્થાનિક રાજકારણમાં ગરમાવો આવ્યો છે અને હજુ વધુ નારાજ કાર્યકરો અપક્ષ ફોર્મ ભરે તેવી શક્યતા છે