ગુજરાત પોલીસના ડોગ ચેકે ગોલ્ડ મેડલ મેળવ્યોઃ ૧૬ વર્ષે સિદ્ધિ
મુખ્ય પોલીસ વડા ડો.કે.એલ.એન.રાવના માર્ગદર્શનમાં સિદ્ધિઓની હારમાળાઃ વધુ એક સિદ્ધિ : ગુજરાતમાં હાલ ૧૬૦ ડોગ છે, જેમને વિસ્ફોટ શોધ, નાર્કોટિક્સ શોધ અને ગુન્હા શોધનની તાલીમ આપવામાં આવી છે
રાજકોટ તા.૧૧: એક પછી એક સિદ્ધિઓની હારમાળા સર્જાઈ રહી છે, ત્યારે વધુ એક સિદ્ધિ મેળવી છે.૧૬ વર્ષ પછી ગુજરાતના પોલીસ ડોગ ચેક દ્વારા રાષ્ટ્રીય પોલીસ મિટ દરમિયાન ગોલ્ડ મેડલ મેળવ્યો છે.
તાજેતરમાં મહારાષ્ટ્રનાં નાગપુર ખાતે યોજાયેલી ૬૯મી ઓલ ઈન્ડિયા પોલીસ ડ્યુટી મીટ ચેમ્પિયનશિપ ૨૦૨૫૨૬માં બે અલગ-અલગ કેટેગરીમાં ગુજરાત પોલીસનાં ચેક ડોગે ગોલ્ડ અને બ્રોન્ઝ મેડલ જીત્યા હતા અને રાજ્ય પોલીસને ગૌરવ અપાવ્યું હતું.
માર્ચએપ્રિલ ૨૦૨૬ દરમિયાન નાગપુરમાં યોજાયેલી આ ૬૯મી આવૃત્તિમાં દેશભરના પોલીસ K9 સ્ક્વોડ, ફોરેન્સિક નિષ્ણાતો અને પોલીસ કર્મચારીઓએ ભાગ લીધો હતો. આ સ્પર્ધામાં વિસ્ફોટક અને નાર્કોટિક્સ શોધ, ટ્રેકિગ, એજાિલિટી અને ઓબીડિયન્સ જેવી ક્ષમતાઓ ચકાસવામાં આવી હતી.
ગુજરાત પોલીસ માટે આ ગૌરવની ક્ષણ હતી, કારણ કે રાજ્યના પોલીસ ડોગે ૧૬ વર્ષના અંતર પછી રાષ્ટ્રીય સ્તરની પોલીસ ડ્યુટી મીટમાં ગોલ્ડ મેડલ જીત્યો હતો.
આજે રાજ્યના પોલીસ વડા (DGP) શ્રી કેએલએન રાવે ગાંધીનગર સ્થિત પોલીસ ભવનમાં પોલીસ ડોગ ‘ચેક', તેના હેન્ડલર રમેશ ખાંટ અને પોલીસ ડોગ ટ્રેનિંગ કન્સલ્ટન્ટ કર્નલ ચંદનસિંહ રાઠોડને મળી આ નોંધપાત્ર સિદ્ધિ બદલ અભિનંદન પાઠવ્યા હતા.
ગુજરાત પોલીસના કુલ છ ડોગે ત્રણ અલગ-અલગ સ્પર્ધાત્મક કેટેગરીમાં ભાગ લીધો હતો, જેમાં દરેક કેટેગરીટ્રેકિગ, વિસ્ફોટક શોધ અને નાર્કોટિક્સ શોધમાં બે ડોગ સ્પર્ધા માટે ઉતર્યા હતા.
‘‘ગુજરાત પોલીસનો ‘ચેક' ડોગ ટ્રેકિંગ કેટેગરીમાં ગોલ્ડ મેડલ જીત્યો અને ઓવરઓલ ટ્રેકિગ કેટેગરીમાં બ્રોન્ઝ મેડલ પણ જીત્યો. આ સિદ્ધિ મેળવવા માટે અમે ભારે મહેનત કરી છે,'' એમ ગુજરાત પોલીસના ડોગ ટ્રેનિંગ કન્સલ્ટન્ટ ચંદનસિહ રાઠોડએ જણાવ્યું હતું.
ટ્રેકિંગ કેટેગરીમાં વિવિધ રાજ્ય પોલીસ દળો અને પેરામિલિટરી યુનિટ્સના કુલ ૪૫ ડોગ્સે ભાગ લીધો હતો, જેમાં ગુજરાત પોલીસના ડોગ ‘ચેક'એ બાજી મારી હતી અને ગોલ્ડ જીત્યો હતો.
આ સમગ્ર ઈવેન્ટમાં વિવિધ રાજ્ય પોલીસ અને પેરામિલિટરી દળોના ૨૦૦થી વધુ ડોગ્સે વિવિધ કેટેગરીમાં ભાગ લીધો હતો.
આ રાષ્ટ્રીય સ્પર્ધા પહેલાં ગુજરાત પોલીસએ વહેલી તકે તૈયારી શરૂ કરી હતી અને મેડલ મેળવવા માટે સતત પ્રયત્નો કર્યા હતા. રાષ્ટ્રીય સ્પર્ધાની તૈયારી માટે થોડા મહિના પહેલાં ડિરેક્ટર જનરલ ઓફ પોલીસ (ટ્રેનિંગ) ડો. નીરજા ગોટરુની સૂચના અને માર્ગદર્શન હેઠળ રાજ્ય સ્તરની પોલીસ ડોગ સ્પર્ધાનું આયોજન કરવામાં પસંદ કરાયેલા ડોગને વિશેષ તાલીમ આપવામાં આવી, તેમને કડક ટ્રેનિગ શેડ્યૂલ હેઠળ રાખવામાં આવ્યા અને યોગ્ય સંભાળ આપવામાં આવી હતી. કુલ નવ ડોગ્સને રાષ્ટ્રીય ચેમ્પિયનશિપ માટે પસંદ કરવામાં આવ્યા હતા, જેમાંથી છએ વિવિધ ઈવેન્ટ્સમાં ભાગ લીધો હતો.
રાજ્યના વિવિધ જિલ્લાઓમાં આશરે ૧૬૦ પોલીસ ડોગ્સ કાર્યરત છે, જે વિસ્ફોટક શોધ, નાર્કોટિક્સ શોધ, ગુનાની તપાસ માટે ટ્રેકિંગ, અને દારૂ શોધ સહિત વિવિધ કામગીરી માટે પ્રશિક્ષિત છે.
(1:44 PM IST)
છેલ્લા 8 દિવસમાં સૌથી લોકપ્રિય 
