ખેડા જિલ્લાના કઠલાલ વિસ્તારમાં સ્થાનિક સ્વરાજની ચૂંટણીના માહોલ વચ્ચે ભારતીય જનતા પાર્ટીમાં ભંગાણ સર્જાયું છે. ભાજપના 6 હોદ્દેદારોએ રાજીનામા આપી સમાજવાદી પાર્ટીને સમર્થન જાહેર કર્યું છે. શહેર ભાજપ ઉપપ્રમુખ વિજય બારૈયાએ પણ રાજીનામું આપી પાર્ટીથી અલગ થવાનો નિર્ણય લીધો છે. સાથે જ ભગા પરમાર, કિરણ પરમાર અને દશરથ પરમાર સહિતના આગેવાનોના રાજીનામા બાદ રાજકીય માહોલ વધુ ગરમાયો છે.