વલસાડના પારડી તાલુકાના ઓરવાડ ગામેથી એક મોટા અકસ્માતના સમાચાર સામે આવી રહ્યા છે. ઓરવાડ ગામમાં આવેલા શાકભાજી માર્કેટના શોપિંગ સેન્ટરના પ્રથમ માળનો સ્લેબ અચાનક ધડાકાભેર તૂટી પડ્યો હતો. આ દુર્ઘટના સર્જાતા નીચે ઉભેલા ત્રણ સ્થાનિક નાગરિકો સ્લેબના કાટમાળ નીચે દટાઈ ગયા હતા. ઘટનાને પગલે આસપાસના લોકો તાત્કાલિક દોડી આવ્યા હતા અને ત્રણેય ઈજાગ્રસ્તોને કાટમાળમાંથી બહાર કાઢી સારવાર અર્થે હોસ્પિટલ ખસેડ્યા હતા. સ્થાનિકોના જણાવ્યા અનુસાર, આ માર્કેટનો સ્લેબ પૂર્વે પણ ધરાશાયી થયો હતો, જેથી આ બાંધકામની ગુણવત્તા સામે ગંભીર સવાલો ઉઠી રહ્યા છે.