સુરતના નાસીર નગર ડિમોલિશન મામલે હવે અશાંતધારાનો મોટો વિવાદ છેડાયો છે. ડિમોલિશનથી અસરગ્રસ્ત થયેલા લોકોને ગોતાલાવાડી ટેનામેન્ટમાં ખસેડવાની મનપાની વિચારણા સામે સ્થાનિકોમાં ભારે રોષ જોવા મળી રહ્યો છે. આ નિર્ણયના વિરોધમાં ગોતાલાવાડીના રહીશો મોટી સંખ્યામાં સુરત મનપા કચેરીએ દોડી આવ્યા હતા. વિરોધ કરી રહેલા લોકોની સ્પષ્ટ માંગ છે કે નાસીર નગરના લોકોને ગોતાલાવાડીના ટેનામેન્ટમાં આવાસ ન આપવા જોઈએ. સ્થાનિકોએ સવાલ ઉઠાવ્યો છે કે ગોતાલાવાડી વિસ્તારમાં અશાંતધારો લાગુ હોવા છતાં નિયમોનું ઉલ્લંઘન કરીને અસરગ્રસ્તોને અહીં કઈ રીતે લાવી શકાય?