સુરતમાં ચર્ચાસ્પદ બનેલા 'ભૂતીયા ડિમોલિશન'ના કારણે કેટલાય પરિવારો બેઘર થઈ ગયા છે, પરંતુ સુરત મહાનગરપાલિકા (મનપા) નું તંત્ર હજુ પણ આ મામલે જવાબદારી સ્વીકારવાને બદલે 'ખો-ખો' રમી રહ્યું છે. આ સમગ્ર ઘટનામાં મનપાના જ અલગ-અલગ સ્તરેથી વિરોધાભાસી નિવેદનો સામે આવી રહ્યા છે; એક તરફ જવાબદાર અધિકારીઓ આ ડિમોલિશન કાયદાકીય રીતે થયું હોવાનો દાવો કરી રહ્યા છે, તો બીજી તરફ ખુદ મનપા કમિશનર કહી રહ્યા છે કે, ડિમોલિશન કોણે કર્યું તેની હજુ ખબર નથી. તંત્રની આ આડોડાઈ અને નિવેદનબાજીથી લોકોમાં ભારે આક્રોશ જોવા મળી રહ્યો છે.