મુખ્યમંત્રી ભૂપેન્દ્રભાઈ  પટેલે ભરૂચના વિલાયત GIDC ખાતે ગ્રાસિમ ઇન્ડસ્ટ્રીઝ અને લ્યુબ્રિઝોલના સંયુક્ત સાહસ સમાન અત્યાધુનિક CPVC રેઝિન પ્લાન્ટનું લોકાર્પણ કર્યું છે. આ ગ્લોબલ ટેકનોલોજી આધારિત પ્રોજેક્ટ દેશની સ્થાનિક સપ્લાય ચેઈનને મજબૂત બનાવવાની સાથે ગુજરાતને એડવાન્સ્ડ કેમિકલ્સના ઉત્પાદનમાં વૈશ્વિક હબ તરીકે સ્થાપિત કરવામાં મદદરૂપ થશે. 70% પાણીના પુનઃઉપયોગ અને ઝીરો લિક્વિડ ડિસ્ચાર્જ સિસ્ટમ સાથેનો આ પ્લાન્ટ રાજ્યની પ્રોત્સાહક ઔદ્યોગિક નીતિ અને ટકાઉ વિકાસ પ્રત્યેની પ્રતિબદ્ધતા દર્શાવે છે.