અમદાવાદ : અમદાવાદ શહેરમાં સામાજિક અને માનવસેવાકીય પ્રવૃત્તિઓ ક્ષેત્રે અગ્રેસર રહેલી જાણીતી સંસ્થા 'રોટરી ક્લબ ઓફ અમદાવાદ મેજેસ્ટી' (Rotary Club Of Ahmedabad Majestic) નો વાર્ષિક પદગ્રહણ સમારંભ અત્યંત ઉત્સાહ, ઉમંગ અને ભવ્યતા સાથે યોજાયો હતો. આ ગૌરવપૂર્ણ સમારોહમાં નિરાલી પંડ્યાએ સંસ્થાના ૨૨મા પ્રમુખ તરીકે વિધિવત રીતે પદભાર સંભાળીને સેવાકીય કાર્યકાળની શરૂઆત કરી છે.

આ વિશેષ સમારોહ દરમિયાન આગામી વર્ષ માટે બોર્ડ ઓફ ડાયરેક્ટર્સ સહિતના નવા હોદ્દેદારોએ સમાજસેવા અને સદ્ભાવનાના સંકલ્પ સાથે પોતપોતાના પદના શપથ ગ્રહણ કર્યા હતા. નવનિયુક્ત પ્રમુખ નિરાલી પંડ્યાના નેતૃત્વ હેઠળ આગામી દિવસોમાં ક્લબ દ્વારા શિક્ષણ, આરોગ્ય અને સામાજિક ઉત્થાન જેવા અનેકવિધ જનકલ્યાણકારી પ્રકલ્પો હાથ ધરવામાં આવશે. આ પદગ્રહણ સમારોહ નવા ઉત્સાહ સાથે સંસ્થાના સેવાકીય પ્રવાસને એક નવી ઊંચાઈ આપવા માટે સીમાચિહ્નરૂપ સાબિત થશે.