અમદાવાદના કાલુપુરમાં ગઈકાલે ઘીકાંટા ચાર રસ્તા પાસે થયેલી લૂંટના કેસમાં ઝોન-3 LCBએ બે આરોપીની ધરપકડ કરી છે. આરોપીઓએ એક્ટિવા ચાલકને ટક્કર મારી નીચે પાડી દીધો હતો અને રોકડ ભરેલી થેલી લઈને ફરાર થઈ ગયા હતા. ઘટનાની તપાસ દરમિયાન પોલીસે શાહરુખ ઉર્ફે કેલા અંસારી અને જાફર શેખને ઝડપી પાડ્યા છે. પોલીસે બંને આરોપીઓ પાસેથી રૂ.2.39 લાખ રોકડા કબજે કર્યા છે. પ્રાથમિક તપાસમાં બંને આરોપીઓનો ગુનાહિત ઈતિહાસ પણ સામે આવ્યો છે. પોલીસે બંનેની ધરપકડ કરી વધુ તપાસ હાથ ધરી છે. લૂંટમાં અન્ય કોઈ વ્યક્તિ સંડોવાયેલી છે કે કેમ અને અગાઉના ગુનાઓ અંગે પણ પોલીસ તપાસ કરી રહી છે