સુરતમાં ઓલપાડ તાલુકાના સિવાણ ગામના એક માલધારી યુવકે તાપી નદીમાં ઝંપલાવ્યાની દુઃખદ ઘટના સામે આવી છે. આ યુવકે નેશનલ હાઈવે 48 પર આવેલા તાપી નદીના બ્રિજ પરથી નદીમાં છલાંગ લગાવી હતી. ઘટના સ્થળે બ્રિજ પરથી યુવકની બાઈક મળી આવતાં આસપાસના લોકોએ તંત્રને જાણ કરી હતી. ઘટનાની માહિતી મળતા જ ફાયર બ્રિગેડની ટીમે સ્થળ પર પહોંચીને નદીમાં યુવકની શોધખોળ શરૂ કરી છે, જે હાલમાં પણ યથાવત ચાલુ છે.