દાહોદમાં DJ મામલે થયેલી બબાલ બાદ આમ આદમી પાર્ટીના દાહોદ જિલ્લા પ્રમુખ રાકેશ બારીયાનું નિવેદન સામે આવ્યું છે. તેમણે આક્ષેપ કર્યો છે કે આ ઘટનામાં આમ આદમી પાર્ટીને ખોટી રીતે બદનામ કરવાનો પ્રયાસ કરવામાં આવી રહ્યો છે. રાકેશ બારીયાએ સ્પષ્ટતા કરતા જણાવ્યું કે, ચૈતરભાઈ વસાવા AAPમાં જોડાયા તે પહેલાંથી જ તેમણે દાહોદ જિલ્લામાં આદિવાસી સમાજનું મજબૂત સંગઠન ઊભું કર્યું હતું. તેથી દાહોદમાં ચૈતરભાઈના સમર્થકો કોઈ રાજકીય પક્ષ સાથે જોડાયેલા નથી પરંતુ સામાજિક રીતે તેમની સાથે છે.