અમદાવાદ  : રાજ્યના અનેક જિલ્લાઓમાં હળવાથી મધ્યમ વરસાદ વરસ્યો છે. જેને પગલે દાહોદ જિલ્લામાં પણ મેઘરાજાએ પોતાની હાજરી પુરાવી છે. સ્ટેટ ઇમરજન્સી ઓપરેશન સેન્ટરના આંકડા પ્રમાણે, છેલ્લા 24 કલાકમાં જિલ્લાના વિવિધ વિસ્તારોમાં હળવોથી મધ્યમ વરસાદ નોંધાયો છે. વરસાદના આગમનની સાથે જ વાતાવરણમાં ઠંડક પ્રસરી જવા પામી છે.

જિલ્લામાં વરસાદની વિગતે વાત કરીએ તો સૌથી વધારે વરસાદ સંજેલી તાલુકામાં 1.02 ઇંચ જેટલો નોંધાયો છે. ઉપરાંત ગોવિંદ ગુરુ લિમડીમાં 0.83 ઇંચ, ઝાલોદમાં 0.59 ઇંચ અને ફતેપુરામાં 0.51 ઇંચ વરસાદ નોંધાયો છે. જિલ્લાના લીમખેડા તાલુકામાં 0.43 ઇંચ વરસાદ નોંધાયો છે.

દાહોદના અન્ય તાલુકાઓમાં પણ મેઘમહેર જોવા મળી હતી. ધાનપુર અને સુખસરમાં 0.35 ઇંચ જ્યારે ગરબાડામાં 0.31 ઇંચ વરસાદ વરસ્યો છે. આ ઉપરાંત દેવગઢબારિયા અને સિંગવડ તાલુકામાં 0.28 ઇંચ વરસાદ નોંધાયો છે. જિલ્લાના મુખ્ય મથક દાહોદમાં 0.24 ઇંચ વરસાદ વરસ્યો છે. આમ, સમગ્ર જિલ્લામાં સાર્વત્રિક વરસાદી માહોલ જામતા લોકોએ ઉકળાટ અને ગરમીમાંથી મોટી રાહત અનુભવી છે.

સવારે 06:00 થી 10:00 વાગ્યા સુધીના ચાર કલાકના સમયગાળા દરમિયાન જિલ્લાના વિવિધ તાલુકાઓમાં હળવાથી મધ્યમ વરસાદ નોંધાયો છે.

દાહોદ જિલ્લામાં નોંધાયેલા તાલુકાવાર વરસાદના આંકડા

• ગોવિંદ ગુરુ લીમડી: 0.59 ઇંચ
• સંજેલી: 0.39 ઇંચ
• સુખસર: 0.39 ઇંચ
• લિમખેડા: 0.31 ઇંચ
• દેવગઢબારિયા: 0.28 ઇંચ
• સીંગવડ: 0.16 ઇંચ
• ધાનપુર: 0.12 ઇંચ
• ગરબાડા: 0.08 ઇંચ