સ્વતંત્રતા પર્વની ઉજવણી પહેલા દેશભરમાંથી પોલીસ વિભાગ માટે ઉત્સાહવર્ધક સમાચાર સામે આવ્યા છે. કેન્દ્રીય ગૃહ મંત્રાલય દ્વારા દર વર્ષની જેમ આ વખતે પણ દેશભરના સુરક્ષાકર્મીઓ માટે પ્રતિષ્ઠિત પોલીસ પદકોની જાહેરાત કરવામાં આવી છે. આ યાદીમાં ગુજરાત પોલીસ દળના શિરે વધુ એક ગૌરવવંતુ પુષ્પ ઉમેરાયું છે. ઉત્કૃષ્ટ ફરજ બજાવનાર ગુજરાતના કુલ 19 પોલીસ અધિકારીઓ અને કર્મચારીઓની રાષ્ટ્રપતિ ચંદ્રક માટે પસંદગી કરવામાં આવી છે, જેને લઈને સમગ્ર પોલીસ બેડામાં ખુશીનું મોજું ફરી વળ્યું છે.

કેન્દ્રીય મંત્રાલય દ્વારા જાહેર કરાયેલા આંકડા મુજબ, રાજ્યના બે તેજસ્વી પોલીસ અધિકારીઓને તેમની દીર્ઘકાલીન અને નિષ્કલંક સેવાઓ બદલ 'વિશિષ્ટ સેવા મેડલ'થી નવાજવામાં આવશે. આ અત્યંત પ્રતિષ્ઠિત એવોર્ડ મેળવનારાઓમાં વરિષ્ઠ આઈપીએસ (IPS) અધિકારી અમિત વિશ્વકર્મા અને ડીવાયએસપી (DySP) બહાદુર સિંહ ચુડાસમાનો સમાવેશ થાય છે. આ બંને અધિકારીઓએ પોતાની લાંબી કારકિર્દી દરમિયાન દાખવેલી વફાદારી અને કુશળ નેતૃત્વની કેન્દ્ર સરકારે સત્તાવાર નોંધ લીધી છે.

આ ઉપરાંત, ફરજ પ્રત્યે સમર્પણ દાખવનાર રાજ્યના અન્ય 17 પોલીસ જવાનો અને અધિકારીઓની 'પ્રશંસનીય સેવા મેડલ' માટે પસંદગી કરાઈ છે. આ યાદીમાં આઈજી (IG) સૌરભ તોલંબિયા, ડીવાયએસપી કે.એલ. વાઘેલા, પોલીસ ઇન્સ્પેક્ટર બી.આર. કોલી તેમજ પીએસઆઈ (PSI) બી.એમ. સોલંકી સહિતના કુશળ અધિકારીઓ ચમક્યા છે. આ તમામ અધિકારીઓ અને જવાનોએ વિવિધ ગુનાખોરી ડામવામાં, કાયદો અને વ્યવસ્થા જાળવવામાં તથા આંતરિક સુરક્ષામાં આપેલું યોગદાન પ્રશંસનીય રહ્યું છે. સ્વતંત્રતા દિવસની પૂર્વસંધ્યાએ મળેલી આ રાષ્ટ્રીય સ્તરની સિદ્ધિથી ગુજરાત પોલીસનું નામ વધુ એકવાર રોશન થયું છે.

 જુઓ ક્યા જવાનો-અધિકારીઓનું થશે સન્માન

• અમિત કુમાર કિશોર વિશ્વકર્મા, વધારાના નિર્દેશક જનરલ, ગુજરાત
• બહાદુરસિંહ અભેસિંહ ચુડાસમા, નાયબ અધિક્ષક પોલીસ ઓફ, ગુજરાત મેડલ ફોર મેરીટોરીયસ સર્વિસ (MSM)
• સૌરભ દૌલાલ તોલંબિયા, ઈન્સ્પેક્ટર જનરલ, ગુજરાત
• કનૈયા લક્ષ્મણભાઈ વાઘેલા, નાયબ પોલીસ અધિક્ષક, ગુજરાત
• બાબાભાઈ રામજીભાઈ કોળી, નિરીક્ષક, ગુજરાત
• બળવંતસિંહજી મોતીસિંહજી સોલંકી, સશસ્ત્ર પોલીસ સબ નિરીક્ષક, ગુજરાત
• દિલીપસિંહ કિરીટસિંહ રાણા, આસિસ્ટન્ટ સબ ઈન્સ્પેક્ટર, ગુજરાત
• સંદિપ મહેન્દ્રભાઈ પટેલ, સબ ઈન્સ્પેક્ટર, ગુજરાત
• જયસિંહ ઘનશ્યામસિંહ રાજ, સબ ઈન્સ્પેક્ટર, ગુજરાત
• દિનેશકુમાર મણિભાઈ પટેલ, સબ ઈન્સ્પેક્ટર, ગુજરાત
• અનિલ શિવરામન નાયર, સબ ઈન્સ્પેક્ટર, ગુજરાત
• નાનજી તરશીભાઈ આઘેરા, આર્મ્ડ પોલીસ સબ ઈન્સ્પેક્ટર, ગુજરાત
• સબ્બીર ખાન કરીમ ખાન થેબા, આસિસ્ટન્ટ સબ ઈન્સ્પેક્ટર, ગુજરાત
• અજય પ્રહલાદભાઈ ઓઝા, હેડ કોન્સ્ટેબલ, ગુજરાત
• તરુણસિંહ ગણપતસિંહ સોલંકી, હેડ કોન્સ્ટેબલ, ગુજરાત
• ઉત્તમસિંહ ગુણવંતસિંહ ઝાલા, સબ ઈન્સ્પેક્ટર, ગુજરાત
• રાજેશકુમાર કરશનભાઈ મીર, હેડ કોન્સ્ટેબલ, ગુજરાત
• ભરતસિંહ નટવરસિંહ વાઘેલા, સબ ઈન્સ્પેક્ટર, ગુજરાત
• કલ્પેશકુમાર સોમાભાઈ દેસાઈ, આસિસ્ટન્ટ સબ ઈન્સ્પેક્ટર, ગુજરાત