દાહોદના નકલી સરકારી કચેરી કૌભાંડમાં EDએ મોટી કાર્યવાહી કરી છે. EDએ અબુબકર જાકીરઅલી સૈયદ અને પરિવાર સહિત સહયોગીઓની રૂ.22.70 કરોડની મિલકતો કામચલાઉ ધોરણે જપ્ત કરી છે. તપાસમાં દાહોદમાં 6 નકલી સરકારી કચેરી ઊભી કરી 121 નકલી કામોને મંજૂરી અપાવી સરકારી નાણાં મેળવ્યાનું સામે આવ્યું છે. નકલી સીલ-સહી અને દસ્તાવેજો બનાવી સરકારી અધિકારી તરીકે ખોટી ઓળખ અપાઈ હતી. 9 નકલી સરકારી ખાતામાં રકમ જમા કરાવી 18 મધ્યસ્થી અને 118 અન્ય ખાતાઓમાં નાણાં ટ્રાન્સફર કરાયા હતા. EDએ 7 જમીનના પ્લોટ, મ્યુચ્યુઅલ ફંડ અને બેંક બેલેન્સ જપ્ત કર્યા છે. તપાસ હજુ ચાલુ છે.