મચ્છરજન્ય રોગોમાં મેલેરિયામાં ૪૫% અને ડેન્ગ્યુમાં ૩૯%નો ઘટાડો
આજે વિશ્વ મચ્છર દિવસ : મચ્છરજન્ય રોગોના નિયંત્રણ માટે ગુજરાત સરકારે ઘરોઘર સર્વેલન્સ હાથ ધર્યું
અમદાવાદ તા.૨૦: મેલેરિયા સહિત ઘણા રોગનું કારણ મચ્છર છે. આ મચ્છરનો ઉપદ્રવ ન સર્જાય તે માટે રાજ્ય સરકાર દ્વારા વિવિધ કામગીરી હાથ ધરમાં આવે છે. વર્ષ ૨૦૨૬ના અત્યાર સુધીના (૩૩ અઠવાડિયા)ના આંકડા મુજબ, ગત વર્ષની સરખામણીમાં રાજ્યમાં મેલેરિયાના કેસોમાં ૪૫.૦%, ડેન્ગ્યુમાં ૩૯.૧% અને ચિકનગુનિયામાં ૪૮.૧%નો ઘટાડો નોંધાયો છે.
મેલેરિયાના કેસ ૧,૪૦૭થી ઘટીને ૭૭૪, ડેન્ગ્યુના કેસ ૧,૨૯૩થી ૭૮૮ અને ચિકનગુનિયાના કેસ ૧૫૪થી ઘટીને ૮૦ થયા હોવાનું રાજ્ય સરકારે જણાવ્યું હતું.
વિશ્વ મચ્છર દિવસ નિમિત્તે ગુજરાત સરકારના આરોગ્ય વિભાગ દ્વારા જાહેર કરવામાં આવેલા આંકડા અનુસાર, વર્ષ ૨૦૨૫ના સપ્તાહ-૩૩ સુધીમાં ૧ કરોડ ૯ લાખથી વધુ રક્ત નમૂનાઓનું પરિક્ષણ કરવામાં આવ્યું હતું, જેમાં મેલેરિયાના ૧,૪૦૭ કેસ નોંધાયા હતા. જ્યારે વર્ષ ૨૦૨૬માં આ જ સમયગાળા દરમિયાન ૧ કરોડ ૧૧ લાખથી વધુ રક્ત નમૂનાઓના પરિક્ષણ બાદ મેલેરિયાના કેસોની સંખ્યા ઘટીને ૭૭૪ થઈ છે. તો ડેન્ગ્યુના કેસો ૧,૨૯૩થી ઘટીને ૭૮૮ અને ચિકનગુનિયાના કેસો ૧૫૪થી ઘટીને ૮૦ થયા છે. આ સમયગાળા દરમિયાન મેલેરિયા અને ડેન્ગ્યુના કારણે એક પણ મૃત્યુ નોંધાયું નથી.
મચ્છરજન્ય રોગોના નિયંત્રણ માટે ગુજરાત સરકારે ઘરોઘર સર્વેલન્સ હાથ ધર્યું છે. ગુજરાત સરકારના આ વિશેષ અભિયાનમાં રોગ નિયંત્રણની સાથે મચ્છરોના પ્રજનનને અટકાવવા પર પણ ધ્યાન કેન્દ્રિત કરવામાં આવ્યું છે. ઘર-ઘર સર્વેલન્સ દરમિયાન રાજ્યમાં મચ્છરના ૨૯ લાખ ૬૩ હજારથી વધુ ઉત્પત્તિ સ્થળોનો નાશ કરવામાં આવ્યો હતો તેમજ ૩ લાખ ૨૧ હજારથી વધુ ઘરોમાં ફોગિગની કામગીરી હાથ ધરવામાં આવી હતી.
મેલેરિયાની લ્લષ્ટિએ સંવેદનશીલ ૨૪ જિલ્લાઓના ૧૧૬ ગામોની લગભગ ૧ લાખથી વધુની વસ્તીને જંતુનાશક દવાના છંટકાવના પ્રથમ રાઉન્ડમાં આવરી લેવામાં આવી છે. જ્યારે બીજા રાઉન્ડનો છંટકાવ ૧ ઑગસ્ટ, ૨૦૨૬થી શરૂ કરવામાં આવ્યો છે. ચોમાસા દરમિયાન સંવેદનશીલ વિસ્તારોમાં તાવ સર્વેલન્સ અને પોરાનાશક કામગીરીને વધુ વેગ આપવા માટે રાજ્યના જિલ્લાઓ અને મહાનગરપાલિકાઓમાં ૪૯૭ વેક્ટર કંટ્રોલ ટીમો તૈનાત કરવામાં આવી છે.
મચ્છરોના લાર્વાના નિયંત્રણ માટે જુલાઈ ૨૦૨૬ના અંત સુધીમાં રાજ્યમાં ૫,૦૨૪ કાયમી જળ ભરાવવાળા સ્થળોએ લાર્વા ખાનારી માછલીઓ છોડવામાં આવી છે. મચ્છરોના પ્રજનનને શરૂઆતી તબક્કામાં જ નિયંત્રિત કરવા માટે આ પદ્ધતિનો ઉપયોગ કરવામાં આવી રહ્યો છે. આ ઉપરાંત, મચ્છરજન્ય રોગોના નિયંત્રણ માટે જરૂરી દવાઓ, લાર્વિસાઇડ્સ અને આવશ્યક સાધનોનો પૂરતો જથ્થો સુનિﾍતિ કરવામાં આવ્યો છે. એટલું જ નહીં, વાહકજન્ય રોગોની સ્થિતિ પર દૈનિક, સાપ્તાહિક અને માસિક ધોરણે સતત દેખરેખ રાખવામાં આવી રહી છે, તેવી માહિતી રાજ્ય સરકારે આપી હતી.
અત્રે ઉલ્લેખનીય છે કે વિશ્વ મચ્છર દિવસ દર વર્ષે ૨૦ ઓગસ્ટના રોજ મનાવવામાં આવે છે. આ દિવસ બ્રિટિશ ડોક્ટર સર રોનાલ્ડ રોસ દ્વારા ૧૮૯૭માં કરવામાં આવેલી એ શોધની યાદમાં ઉજવાય છે, જેમાં તેમણે સાબિત કર્યું હતું કે માણસોમાં મેલેરિયા ફેલાવવામાં માદા મચ્છર જવાબદાર છે.
(10:58 AM IST)
છેલ્લા 8 દિવસમાં સૌથી લોકપ્રિય 
