મહેસાણાના વિજાપુરમાં નકલી ચલણી નોટોનું કૌભાંડ ઝડપાયું છે. HDFC બેંકના કેશ ડિપોઝિટ મશીનમાં 500 રૂપિયાની 26 નકલી નોટો જમા કરાવતા સમગ્ર મામલો સામે આવ્યો હતો. પ્રાથમિક તપાસમાં સામે આવ્યું કે, દેવું ચૂકવવા માટે વિસનગરના યુવકોએ ભેગા મળી નકલી નોટો છાપવાનો પ્લાન બનાવ્યો હતો. લેપટોપ અને કલર પ્રિન્ટરની મદદથી નકલી નોટો તૈયાર કરવામાં આવી હતી. પોલીસે ગુનો નોંધી ચાર શાતિર આરોપીઓની ધરપકડ કરી છે.