( ભરત શાહ દ્વારા ) નર્મદા : રાજપીપળા શહેરમાં મુખ્ય માર્ગો અને જાહેર સ્થળોએ રખડતા ઢોરની વધતી સમસ્યાને લઈને વિશ્વ હિન્દુ પરિષદ – નર્મદા જિલ્લા દ્વારા રાજપીપળા નગરપાલિકાના ચીફ ઓફિસરને લેખિત રજૂઆત કરવામાં આવી હતી.

રસ્તા વચ્ચે ઢોર બેસી રહેતા હોવાથી વાહનચાલકો, રાહદારીઓ, વૃદ્ધો અને બાળકોને અકસ્માતનું જોખમ રહે છે. આ સમસ્યાને ધ્યાનમાં રાખી રખડતા ઢોરને તાત્કાલિક પકડી સુરક્ષિત સ્થળે ખસેડવા તથા રસ્તા પર ઢોર છોડી દેતા માલિકો સામે નિયમ મુજબ કડક કાર્યવાહી કરવા માંગ કરવામાં આવી હતી.
વિશ્વ હિન્દુ પરિષદ – નર્મદા જિલ્લા દ્વારા નાગરિકોની સુરક્ષા માટે આ બાબતે તાત્કાલિક અને કાયમી ઉકેલ લાવવા નગરપાલિકા તંત્રને અપીલ કરવામાં આવી છે