વડોદરાના ડભોઇમાં સ્વાઈન ફ્લૂનો એક કેસ નોંધાતા આરોગ્ય તંત્ર સતર્ક થયું છે. એક યુવકનો સ્વાઈન ફ્લૂનો રિપોર્ટ પોઝિટિવ આવતા તેને સારવાર માટે ગોત્રી ખાતેની સરકારી હોસ્પિટલમાં દાખલ કરવામાં આવ્યો છે. યુવકના સંપર્કમાં આવેલા અને અસરગ્રસ્ત વિસ્તારમાં રહેતા આશરે 50 જેટલા વ્યક્તિઓના રિપોર્ટ કરવામાં આવ્યા હતા, જોકે તમામના રિપોર્ટ નેગેટિવ આવ્યા છે. હાલ આરોગ્ય વિભાગ દ્વારા સમગ્ર સ્થિતિ પર નજર રાખવામાં આવી રહી છે.