અમદાવાદ તા.૩૧ : ભાજપા પ્રદેશ અધ્યક્ષ શ્રી જગદીશભાઈ વિશ્વકર્મા આજે  ભાજપાના પંડિત દીનદયાળ ઉપાધ્યાય પ્રશિક્ષણ મહાઅભિયાન-૨૦૨૬ અંતર્ગત આજે બેચરાજી ખાતે આયોજિત મહેસાણા જિલ્લા ભાજપાના પ્રશિક્ષણ વર્ગના સમાપન સત્રમાં ઉપસ્થિત રહ્યાં હતાં.

આ અવસરે  જગદીશભાઈ વિશ્વકર્માએ જિલ્લા સંગઠનના હોદ્દેદારો, આગેવાનો તથા કાર્યકર્તાઓ સાથે સંવાદ કરી સંગઠનને વધુ મજબૂત, સક્રિય અને કાર્યક્ષમ બનાવવા અંગે વિસ્તૃત માર્ગદર્શન આપ્યું હતું.

આ પ્રસંગે પૂર્વ નાયબ મુખ્યમંત્રી  નીતિનભાઈ પટેલ, જિલ્લા ભાજપા પ્રમુખ ગીરીશભાઈ રાજગોર, સાંસદ હરિભાઈ પટેલ, પ્રભારી ભરતભાઈ ડાંગર, ધારાસભ્યશ્રીઓ, જિલ્લા સંગઠનના પદાધિકારીઓ, પક્ષના સિનિયર આગેવાનો તથા અપેક્ષિત કાર્યકરો ઉપસ્થિત રહ્યા હતા.