વાપી : (જીતેન્દ્ર રુપારેલીયા દ્વારા) આજે સવાર સુધીમાં રાજ્યના ૭૭ તાલુકામાં ધીમીધારે વરસાદ નોંધાયો છે. 

ખેડા જિલ્લાના નડિયાદમાં સૌથી વધુ ૨.૪ ઇંચ, માતરમાં ૧.૬૫ ઇંચ અને ખેડામાં ૧.૨૬ ઇંચ વરસાદ વરસ્યો છે. 

અમરેલી જિલ્લાના લાઠી તથા આણંદ જિલ્લાના સોજીત્રામાં ૧.૧૮ ઇંચ, પંચમહાલના જાંબુઘોડામાં ૧.૧ ઇંચ અને સુરત જિલ્લાના ઉમરપાડામાં ૧.૦૬ ઇંચ વરસાદ નોંધાયો છે. 

હવામાન વિભાગની આગાહી અનુસાર આજે અમદાવાદ અને ગાંધીનગર સહિત મધ્ય ગુજરાતમાં વરસાદી ઝાપટાં પડી શકે છે, જ્યારે સુરત સહિત દક્ષિણ ગુજરાતના કેટલાક વિસ્તારોમાં ગાજવીજ સાથે વરસાદ વરસવાની શક્યતા છે.