અમદાવાદના વાસણા વિસ્તારમાં AMCના કર્મચારીઓ હોવાની ખોટી ઓળખ આપી BSNLના કોપર વાયરની ચોરી કરતી હાઇટેક ગેંગનો વાસણા પોલીસે પર્દાફાશ કર્યો છે. આ ટોળકી શંકા ન જાય તે માટે AMCના રેડિયમ જેકેટ પહેરી રોડ પર ટ્રાફિક મેનેજ કરતી હતી અને ક્રેન લાવી ખુલ્લામાં BSNLના ડક્ટ તોડી ચોરીને અંજામ આપતી હતી. આશરે 7 લાખ રૂપિયાના કોપરની ચોરી કરનાર 8 થી વધુ લોકોની આ ગેંગમાંથી વાસણા પોલીસે રવિકાંત શર્મા, વિષ્ણુ યાદવ, જાતેષ યાદવ અને રાહુલ ભરવાડને રંગેહાથ ઝડપી લીધા છે, જ્યારે અન્ય ફરાર આરોપીઓની શોધખોળ હાથ ધરી છે.