સુરત શહેરમાં નકલી સાબુ બનાવવાનું મોટું કૌભાંડ ઝડપાયું છે. વોશિંગ પાવડર અને શેમ્પૂ બાદ સુરતમાં હવે બ્રાન્ડેડ કંપનીના નામે નકલી સાબુ બનાવતી ફેક્ટરી પકડાઈ છે. સરથાણા વિસ્તારમાં આવેલા ‘સૂર્યોદય રો-હાઉસ’ના એક મકાનમાં  નકલી સાબુની ફેક્ટરી ચાલતી હતી 

   સરથાણા પોલીસે બાતમીના આધારે મકાનમાં આકસ્મિક સર્ચ ઓપરેશન હાથ ધરીને દરોડા પાડ્યા. પૂણેની પ્રખ્યાત કંપની ‘યામી ઘર શોપ પ્રાઇવેટ લિમિટેડ’ના લોગો અને ટ્રેડમાર્કનો ગેરકાયદેસર ઉપયોગ કરી નકલી સાબુ બનાવાતા હતા. પોલીસે ઘટનાસ્થળેથી આશરે રૂપિયા 6,67,500 ની કિંમતનો નકલી મુદ્દામાલ જપ્ત કર્યો હતો  પોલીસ દરોડા દરમિયાન ફેક્ટરી ચલાવતો મુખ્ય આરોપી રાજભાઈ પ્રેમજીભાઈ ઘેવરીયા રંગેહાથ ઝડપાયો હતો  સર્ચ દરમિયાન અલગ-અલગ બોક્સમાંથી ‘GHAR SOAP’ અને ‘MAGIC BAR’ ના કુલ 850 નંગ નકલી સાબુ મળી આવ્યા હતા  મકાનમાંથી બ્રાન્ડેડ કંપનીના ખાલી કવરો, સાબુ બનાવવાની 30 નંગ પ્લેટો અને ડાઈ (બીબા) પણ મળી આવ્યા હતા  પોલીસે આગળની કાયદેસરની કાર્યવાહી હાથ ધરી છે .