અમદાવાદ, તા.૨૬ : અમદાવાદના ખાડિયા વિસ્તારમાં ગત મહિને દિવસે ધોળે સોનીની દુકાનમાં ફાયરિંગ કરીને 3 કરોડથી વધુના સોનાની લૂંટ કરનાર ગેંગનો મુખ્ય આરોપી આખરે ક્રાઈમ બ્રાન્ચના હાથે ઝડપાઈ ગયો છે. પોલીસે બાતમીના આધારે આરોપીને ઝડપી લઈ કોર્ટમાં રજૂ કરી રિમાન્ડ મેળવ્યા છે.

ગત મહિને 4 હથિયારધારી શખ્સો ખાડિયાની એક જાણીતી જ્વેલર્સની દુકાનમાં ઘૂસી ગયા હતા. આરોપીઓએ હવામાં ફાયરિંગ કરીને આતંક મચાવ્યો હતો અને દુકાનમાંથી લાખોનું સોનું અને રોકડ લૂંટીને ફરાર થઈ ગયા હતા. સમગ્ર ઘટના CCTVમાં કેદ થઈ હતી. ઘટના બાદ ક્રાઈમ બ્રાન્ચ સહિતની ટીમો આરોપીઓને પકડવા કામે લાગી હતી. 

આજે પોલીસને સફળતા મળી છે અને આ લૂંટનો માસ્ટરમાઈન્ડ ઝડપાયો છે. પોલીસ પૂછપરછમાં આરોપીએ અન્ય સાગરીતોના નામ પણ આપ્યા છે. લૂંટેલું સોનું ક્યાં સંતાડ્યું છે તે દિશામાં પોલીસે તપાસ શરૂ કરી છે.