વડોદરાના પાદરા નજીક મહુવા ચોકડી પર સર્જાયેલા ગંભીર માર્ગ અકસ્માતમાં ડમ્પરે બાઈકચાલકને અડફેટે લેતા નિવૃત્ત શિક્ષક ગંભીર રીતે ઈજાગ્રસ્ત થયા હતા. અકસ્માત એટલો ભયાનક હતો કે તેમના બંને પગ ડમ્પરના પૈડાં નીચે કચડાઈ ગયા હતા. ઘટનાની જાણ થતાં સ્થાનિકોએ તાત્કાલિક ઈજાગ્રસ્તને સારવાર માટે હોસ્પિટલ ખસેડ્યા હતા. સમગ્ર અકસ્માતની ઘટના નજીકમાં લાગેલા CCTV કેમેરામાં કેદ થઈ ગઈ છે. સામે આવેલા CCTV વીડિયોમાં ડમ્પરચાલકની બેદરકારી સ્પષ્ટ દેખાઈ રહી છે. પોલીસે ઘટના અંગે ગુનો નોંધી વધુ તપાસ હાથ ધરી છે.