<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 3rd November 2026

વડોદરામાંથી પવિત્ર બાપ-દીકરીના સંબંધોને તાર-તાર કરતો અને માનવતાને શરમમાં મૂકતો કિસ્સો: જન્મદાતા પિતાની આંખમાં ધૂળ નાખીને નફ્ફટ પુત્રીએ પિતાના બેન્ક એકાઉન્ટો અને કિંમતી ઇન્સ્યોરન્સ પોલિસીઓમાંથી લાખો રૂપિયા પોતાના ખાતામાં ટ્રાન્સફર કરી મસમોટી છેતરપિંડી આચરતાં અરેરાટી

લોહીના સંબંધોનો કાળમુખો બલિદાન! ઘરની જ દીકરીએ પિતાની જિંદગીભરની કમાણી અને બચત પર ડાકાપડી કરીને કૌભાંડ આચરતાં વૃદ્ધ પિતા અને પરિવારજનોના છાતીના પાટિયા બેસી ગયા

વડોદરાઃ વડોદરા શહેરના એક રહસ્યમય અને ચોંકાવનારા કિસ્સામાં કુટુંબ અને વિશ્વાસના ચીરેચીરા ઉડાવતી એક અત્યંત દગાબાજ, ખૌફનાક અને સનસનાટીભરી ઘટના સામે આવી છે! વડોદરામાં રહેતા એક વૃદ્ધ પિતાએ પોતાની આખી જિંદગી મહેનત કરીને ભેગી કરેલી મૂડી, બેન્ક બેલેન્સ અને વિવિધ ઇન્સ્યોરન્સ પોલિસીઓ પર તેમની જ સગી પુત્રીએ કાળમુખી નજર બગાડી હતી.

શહેરના સિંધવાઇમાતારોડ પર આવેલ ક્રિષ્ણા ફ્લેટમાં રહેતી પ્રીતી જુગલભાઇ પટેલે તેની મોટી બહેન રેખા માળી અને બનેવી જિગ્નેશ માળી (રહે.ધ માર્ક, પ્રથમ રિવિએરા પાછળ, બિલ ગામ) સામે મકરપુરા પોલીસ સ્ટેશનમાં નોધાવેલી ફરિયાદમાં જણાવ્યું છે કે હું ઘરકામ કરું છું તેમજ હાલમાં હું મારા પતિ, પુત્રી અને પિતા ગોપાલ શંકરભાઇ માળી સાથે રહું છું. મારા પિતાને કેન્સરની બીમારી થઇ છે.
મારા પિતા ઓએનજીસીમાંથી વર્ષ-૨૦૧૮માં નિવૃત્ત થયા છે અને તેમનું પેન્શન સ્ટેટ બેન્કમાં જમા થાય છે. મારા પિતાએ મારા સહિત ત્રણે પુત્રીઓ માટે ફ્યૂચર જનરલ લાઇફ પોલિસી લીધી છે જેમાં ત્રણ વર્ષ સુધી તેમણે કુલ રૃા.૧૮ લાખ જમા કરાવ્યા હતાં. મારા પિતા કોટક મહિન્દ્રા બેન્કનું પણ ખાતું ધરાવે છે જેમાં કેટલીક રકમ જમા કરાવતા હતાં. મારા પિતાના બેન્ક એકાઉન્ટો તેમજ પોલિસી વિશેની માહિતી મારી મોટી બહેન રેખા તેમજ તેના પતિ રાખતા હતાં.
મારા પિતાની જાણ બહાર તેમના નામે રેખાએ ઇન્ડિયન ઓવરસિસ બેન્કમાં ખાતું ખોલાવ્યું હતું. રેખા તેમજ તેનો પતિ મારા ઘેર આવીને પિતાના મોબાઇલમાં ગુગલ પે એપ્લિકેશન ડાઉનલોડ કરાવી હતી અને તેમની જાણ બહાર એસબીઆઇ અને કોટક મહિન્દ્રા બેન્કના એકાઉન્ટોમાંથી કુલ રૃા.૨.૧૩ લાખ ઇન્ડિયન ઓવરસિઝ બેન્કના એકાઉન્ટમાં ટ્રાન્સફર કરાવ્યા હતાં એટલું જ નહી પરંતુ ત્રણે બહેનોની પોલિસીના નાણાં રૃા.૬.૨૮ લાખ પણ આ બેન્કમાં ટ્રાન્સફર કરાવ્યા હતાં.

(5:42 PM IST)