વિરમગામના વલાણા ચંદ્રનગર ગામ પાસે એક અકસ્માતની ઘટના સામે આવી છે, જેમાં નર્મદા માઈનોર કેનાલમાં એક ટ્રેક્ટર ખાબક્યું હતું. મળતી માહિતી મુજબ, ટ્રેક્ટર ચાલકે વાહન પરથી કાબૂ ગુમાવતા આ અકસ્માત સર્જાયો હતો. આ ઘટનામાં ટ્રેક્ટર ચાલકને ઈજાઓ પહોંચતા તેને તાત્કાલિક સારવાર માટે હોસ્પિટલ ખસેડવામાં આવ્યો છે. હાલમાં કેનાલમાં ખાબકેલા ટ્રેક્ટરને બહાર કાઢવાની કવાયત સ્થાનિકો અને તંત્ર દ્વારા હાથ ધરવામાં આવી છે.