ગુજરાત સરકારના શિક્ષણ વિભાગે રાજ્યમાં શૈક્ષણિક માળખાને વધુ મજબૂત કરવા માટે એક સાથે નવી 95 શાળાઓ શરૂ કરવાની વહીવટી મંજૂરી આપી દીધી છે. આ શાળાઓના સંચાલન માટે સરકારે રૂ. 443 કરોડના બજેટની જોગવાઈ કરી છે, જેમાં બિન-આદિજાતિ વિસ્તારોમાં 85 અને આદિજાતિ (ટ્રાયબલ) વિસ્તારોમાં 10 નવી શાળાઓ મંજૂર કરવામાં આવી છે. આ શાળાઓ માટે વહીવટી અને શૈક્ષણિક સ્ટાફની કુલ 345 પોસ્ટ (જગ્યાઓ) ને પણ મંજૂરી આપી દેવામાં આવી છે (જેમાંથી 40 પોસ્ટ આદિજાતિ વિસ્તાર માટે છે) અને હવે આ શાળાઓને વહેલી તકે કાર્યરત કરવા માટેની સત્તાવાર કાર્યવાહી શરૂ કરી દેવાઈ છે.