અમદાવાદના જોધપુર વોર્ડમાં અમદાવાદ મ્યુનિસિપલ કોર્પોરેશન (AMC) દ્વારા 15.90 કરોડ રૂપિયાના ખર્ચે અદ્યતન નોલેજ હબ તૈયાર કરવામાં આવ્યું છે. કેન્દ્રીય ગૃહ અને સહકાર મંત્રી અમિતભાઇ શાહ દ્વારા આ નોલેજ હબનું લોકાર્પણ કરવામાં આવ્યું હતું. અહીં વિદ્યાર્થીઓને સ્પર્ધાત્મક પરીક્ષાઓની તૈયારી અને વાંચન માટે ખાસ વ્યવસ્થાઓ ઉપલબ્ધ કરાવવામાં આવી છે. અદ્યતન સુવિધાઓથી સજ્જ આ નોલેજ હબ વિદ્યાર્થીઓને અભ્યાસ માટે સુવિધાજનક વાતાવરણ પૂરું પાડશે.