ગાંધીનગર: અમદાવાદ નજીક ફટાકડા બનાવવાની ફેક્ટરીમાં સર્જાયેલી અત્યંત ગંભીર અને કમકમાટીભરી આગ દુર્ઘટના અંગે મુખ્યમંત્રી ભૂપેન્દ્રભાઈ પટેલે પોતાની ઘેરી પ્રતિક્રિયા આપતાં ભારે શોક વ્યક્ત કર્યો છે. મુખ્યમંત્રીએ આ ભયાનક અકસ્માતને અત્યંત દુઃખદ ગણાવ્યો છે અને અકાળે જીવ ગુમાવનારા શ્રમિકોના પરિવારો પ્રત્યે પોતાની ઊંડી સંવેદના પ્રકટ કરી છે. આ સાથે જ મુખ્યમંત્રી દ્વારા પીડિત પરિવારોને મોટી આર્થિક મદદ પૂરી પાડવાની પણ જાહેરાત કરવામાં આવી છે.

 રાજ્ય સરકાર દ્વારા આર્થિક વળતરની જાહેરાત:

મુખ્યમંત્રી ભૂપેન્દ્રભાઈ પટેલે દુર્ઘટનાનો ભોગ બનેલા નાગરિકો માટે તાત્કાલિક રાહત સહાય જાહેર કરી છે. રાજ્ય સરકાર તરફથી આ અકસ્માતમાં મૃત્યુ પામેલા તમામ મૃતકોના આશ્રિત પરિવારજનોને ₹૪,૦૦૦૦૦ (ચાર લાખ રૂપિયા) ની આર્થિક સહાય આપવામાં આવશે. આ ઉપરાંત, ફેક્ટરી બ્લાસ્ટની ઘટનામાં ગંભીર રીતે ઘાયલ થયેલા તમામ ઈજાગ્રસ્તોને ₹૫૦,૦૦૦ (પચાસ હજાર રૂપિયા) ની આર્થિક મદદ પૂરી પાડવાની સત્તાવાર જાહેરાત મુખ્યમંત્રી દ્વારા કરવામાં આવી છે.

 ઈજાગ્રસ્તોની ઝડપી રિકવરી માટે મુખ્યમંત્રીની પ્રાર્થના:

મુખ્યમંત્રીએ દુર્ઘટનામાં જીવ ગુમાવનારા નિર્દોષ લોકોના દિવંગત આત્માની શાંતિ માટે ભગવાનના ચરણોમાં પ્રાર્થના કરી હતી અને તેમના પરિવારોને આ અસહ્ય આઘાત સહન કરવાની શક્તિ મળે તેવી ઈચ્છા વ્યક્ત કરી હતી. આ સાથે જ હોસ્પિટલમાં સારવાર લઈ રહેલા અને અકસ્માતમાં ભોગ બનેલા ઘાયલ લોકો ઝડપથી સ્વસ્થ થઈ પોતાના ઘરે પરત ફરે તે માટે પણ તેમણે ઈશ્વરને પ્રાર્થના કરી છે.

 સ્થાનિક વહીવટીતંત્રને તમામ મદદ પૂરી પાડવા કડક સૂચના:

મુખ્યમંત્રીએ આ મામલે ગાંધીનગરથી સીધી નજર રાખતા જણાવ્યું છે કે, અમદાવાદનું સ્થાનિક વહીવટીતંત્ર હાલ સંપૂર્ણપણે એક્શન મોડમાં છે અને અસરગ્રસ્ત લોકોને જરૂરી તમામ પ્રકારની સહાય અને તબીબી સારવાર પૂરી પાડી રહ્યું છે. હોસ્પિટલમાં દાખલ દર્દીઓની સારવારમાં કોઈ પણ પ્રકારની કચાસ ન રાખવા અને તંત્રને રાહત કામગીરી વધુ વેગવંતી બનાવવા માટે પણ ઉચ્ચ સ્તરેથી જરૂરી સૂચનાઓ આપી દેવામાં આવી છે.