અમદાવાદના રાણીપ વોર્ડના ભાજપ મહામંત્રી ઉમેદ ધાંધલ પાસેથી રાજીનામું લઈ લેવામાં આવ્યું છે. ઉમેદ ધાંધલ સામે પાર્ટી વિરોધી પ્રવૃત્તિઓ કરવા ઉપરાંત પક્ષના જ કાર્યકર્તાઓને મેસેજ મોકલીને પજવણી કરવાનો ગંભીર આક્ષેપ થયો હતો. આ સમગ્ર મામલો ભાજપના સિનિયર નેતાઓ સુધી પહોંચતાં જ પક્ષ દ્વારા તાત્કાલિક એક્શન લેવામાં આવ્યા હતા, જેના પગલે તેમણે પોતાના પદ પરથી રાજીનામું આપવું પડ્યું છે.