સુરત : દિવાળી નજીક આવતાં જ સુરતની બજારોમાં રોનક જોવા મળી રહી છે. શહેરમાં દિવાળીની ખરીદીનો માહોલ ધીમે-ધીમે જામી રહ્યો છે. ખાસ કરીને સુરતના સૌથી મોટા ચૌટા બજારમાં ખરીદી માટે મોટી સંખ્યામાં લોકો ઉમટી રહ્યા છે. દિવાળીના તહેવારને લઈને લોકો બજારોમાં ખરીદી કરવા પહોંચી રહ્યા છે. બજારમાં ગ્રાહકોની અવરજવર વધતાં વેપારીઓમાં પણ ઉત્સાહ જોવા મળી રહ્યો છે. તહેવારની ખરીદી માટે લોકોની ભીડને કારણે બજારોમાં ચહલપહલ વધી ગઈ છે.

સુરતના ચૌટા બજારમાં દિવાળીની ખરીદી માટે લોકોનો ભારે ધસારો જોવા મળી રહ્યો છે. ખાસ કરીને દિવાળીના છેલ્લા ચાર દિવસ દરમિયાન ચૌટા બજારમાં એટલી ભીડ રહે છે કે પગ મૂકવાની પણ જગ્યા નથી રહેતી. તહેવારને લઈને વેપારીઓએ પણ ગ્રાહકોને આકર્ષવા માટે વિશેષ તૈયારીઓ કરી છે. વધુમાં વધુ ગ્રાહકો બજારમાં ખરીદી કરવા આવે તે માટે વેપારીઓ દ્વારા ખાસ આયોજન કરવામાં આવ્યું છે. દિવાળીની ખરીદીનો માહોલ જામતાં સુરતની બજારોમાં ઉત્સાહ જોવા મળી રહ્યો છે.