મહેસાણાની બહુચરાજી APMCની ચૂંટણીમાં ભાજપે ભવ્ય વિજય મેળવ્યો છે. ખેડૂત વિભાગની તમામ 10 બેઠકો પર ભાજપના ઉમેદવારોનો વિજય થયો છે, જ્યારે વેપારી વિભાગની 4 બેઠકો પર ભાજપના ઉમેદવારો બિનહરીફ ચૂંટાયા હતા. ચૂંટણી પરિણામ બાદ ભાજપના કાર્યકરો અને સમર્થકોમાં ઉત્સાહનો માહોલ જોવા મળ્યો હતો. ભાજપના નેતા સુખાજી ઠાકોરે આ શાનદાર જીતનો શ્રેય દરેક ખેડૂત મંડળીને આપ્યો હતો અને ખેડૂતોના વિશ્વાસ બદલ આભાર વ્યક્ત કર્યો હતો. બહુચરાજી APMCમાં ભાજપની આ જીતથી મહેસાણા જિલ્લાના સહકારી અને કૃષિ ક્ષેત્રમાં ભાજપનું પ્રભુત્વ વધુ મજબૂત બન્યું છે.