ભરૂચના અંકલેશ્વર પાસે આવેલા બોરભાઠા ગામ નજીક કચરાના ઢગલામાંથી એક નવજાત શિશુનો મૃતદેહ મળી આવતા સમગ્ર પંથકમાં ચકચાર મચી ગઈ છે. આ અમાનવીય ઘટનાની જાણ થતાં જ એ ડિવિઝન પોલીસે તાત્કાલિક સ્થળ પર પહોંચીને મૃતદેહને કબજે કરી કાયદેસરની તપાસ હાથ ધરી છે.

 ચિંતાજનક બાબત એ છે કે અંકલેશ્વર અને તેની આસપાસના વિસ્તારમાં છેલ્લા એક જ મહિનામાં નવજાત બાળકને આ રીતે ત્યજી દેવાની કે મૃતદેહ મળવાની આ ત્રીજી ઘટના સામે આવી છે, જેને પગલે સ્થાનિકોમાં ભારે અરેરાટી વ્યાપી ગઈ છે.