છોટાઉદેપુરના નસવાડીના સેંગપુર ગામે આયોજિત પ્રવેશોત્સવમાં વન વિભાગના ઉચ્ચ અધિકારી ડો. ગંગા શરણ શિંગે દારૂબંધી પર સવાલ ઉઠાવતા ખળભળાટ મચ્યો છે. કાર્યક્રમ દરમિયાન તેમણે બાળકો સામે જ વાલીઓની દારૂની લતની ટીકા કરતા કહ્યું કે, "પિતા સવારે દારૂ પીતા હોય તો તેમને પપ્પા ન કહેશો." અધિકારીએ બાળકોની કુપોષિત સ્થિતિ માટે વાલીઓની લતને જવાબદાર ઠેરવી, જેનાથી કાર્યક્રમમાં હાજર બાળકો અને વાલીઓ ક્ષોભમાં મુકાયા હતા. આ નિવેદન બાદ જિલ્લામાં દારૂબંધીના અમલ સામે ગંભીર પ્રશ્નો ઉભા થયા છે.