અમદાવાદ : ગુજરાતમાં છેલ્લા કેટલાક સમયથી વયોવૃદ્ધ અને આધેડ પુરુષો દ્વારા માસૂમ અને નાની-નાની દીકરીઓ પર દાનત બગાડવાના બનાવોમાં ચિંતાજનક અને ચોંકાવનારો વધારો જોવા મળી રહ્યો છે. હજુ બે દિવસ પહેલા જ સંસ્કારી નગરી વડોદરામાં ચોકલેટની લાલચ આપીને ૮ વર્ષની બાળકી પર દુષ્કર્મ ગુજારનાર આધેડની ધરપકડ કરાઈ હતી, ત્યાં વહી રહેલી લોહીની શાહી સુકાઈ નથી ત્યાં જ અમદાવાદના મેઘાણીનગર વિસ્તારમાંથી માનવતાને શર્મસાર કરતી વધુ એક કમકમાટીભરી ઘટના સામે આવી છે. અહીં એક ૭૩ વર્ષના નરાધમ વૃદ્ધે પાડોશમાં રહેતી માત્ર ૫ વર્ષની બાળકીને પોતાની વિકૃતિનો શિકાર બનાવી અણછાજતા સ્પર્શ કર્યા હોવાની હૃદયદ્રાવક ઘટના પ્રકાશમાં આવી છે.

મળતી વિગતો અનુસાર, મેઘાણીનગર વિસ્તારમાં પરિવાર સાથે રહેતી પિત્તળ જેવી માસૂમ દીકરી અજાણતા જ બાજુમાં રહેતા નંદલાલ આસવાણી (ઉં.વ. ૭૩) નામના વૃદ્ધના ઘરે રમવા માટે ગઈ હતી. ઘરમાં માસૂમને એકલી જોઈને આ વયોવૃદ્ધ નરાધમની દાનત બગડી હતી અને તેણે બાળકી સાથે શારીરિક અડપલાં શરૂ કર્યા હતા. દાદાની ઉંમરની વ્યક્તિના આ બિહામણા અને અણછાજતા સ્પર્શથી ગભરાઈ ગયેલી ૫ વર્ષની માસૂમ બાળકી ત્યાંથી રડતી-રડતી સીધી પોતાના ઘરે દોડી ગઈ હતી.

વિકૃત માનસિકતા ધરાવતો વૃદ્ધ આખરે જેલના સળિયા પાછળ

ઘરે પહોંચીને ડઘાઈ ગયેલી દીકરીએ રડતા રડતા પોતાની માતાને નંદલાલ નામના વૃદ્ધે કરેલા કાળા કરતૂતોની આપવીતી જણાવી હતી. માસૂમ દીકરીના શબ્દો સાંભળીને માતાના પગ તળેથી જમીન સરકી ગઈ હતી અને સમગ્ર પરિવાર સ્તબ્ધ થઈ ગયો હતો. ન્યાયની આશા સાથે માતાએ સહેજ પણ સમય બગાડ્યા વિના તાત્કાલિક મેઘાણીનગર પોલીસ મથકનો સંપર્ક સાધ્યો હતો. પોલીસે ઘટનાની ગંભીરતા સમજી તુરંત જ એક્શનમાં આવીને આરોપી નંદલાલ આસવાણીની દબોચી લીધો હતો.

પોલીસની પ્રાથમિક તપાસમાં બહાર આવ્યું છે કે આ પકડાયેલો વૃદ્ધ અત્યંત વિકૃત માનસિક્તા ધરાવે છે. હાલ તો પોલીસે પીડિત બાળકીની માતાની ફરિયાદના આધારે નરાધમ વૃદ્ધ વિરુદ્ધ સખત કાયદા સમાન પોક્સો એક્ટ (POCSO Act) સહિતની વિવિધ ગંભીર કલમો હેઠળ ગુનો નોંધીને જેલના સળિયા પાછળ ધકેલી દીધો છે અને આગળની કાયદેસરની તપાસ હાથ ધરી છે. સમાજમાં વધતી આવી નૈતિક અધોગતિ પર હવે કડક કાનૂની ડંડો જરૂરી બન્યો છે.