તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ડબલ એન્જીનની સરકારે ગુજરાતને સમગ્ર વિશ્વમાં ડેસ્ટીનેશન સેન્ટર બનાવ્યું: અર્જુનભાઈ મોઢવાડીયા
વાયબ્રન્ટ ગુજરાત રીજનલ સમિટઃ દાહોદઃ પ્રભારી મંત્રી અર્જુનભાઈ મોઢવાડીયાની અધ્યક્ષતા હેઠળ દાહોદ જિલ્લા કક્ષાનો : કાર્યક્રમ યોજાયોઃ ૫૪ લાખથી વધુના આર્થિક લાભોનું લાભાર્થીઓને વિતરણઃ ગુજરાત રાજ્યમાં ઉદ્યોગનીતિઓ સાથે....વિકસિત દાહોદ બનાવવા માટે દાહોદનું એકેએક ઘર, નાગરિક, પરિવાર અને ખેડૂતનો વિકાસ જરૂરીઃ દાહોદ જિલ્લા પ્રભારી મંત્રી અર્જુનભાઈ મોઢવાડીયાઃ દાહોદ જિલ્લો શિક્ષણ-આરોગ્ય જેવા અનેક ક્ષેત્રોમાં વિકાસ તરફ આગળ વધી રહ્યો છેઃ રાજ્યમંત્રી રમેશભાઈ કટારા
રાજકોટ તા.૨૦: દાહોદ પંડિત દિન દયાળ ઓડિટરીયમ હોલ ખાતે દાહોદ જિલ્લા પ્રભારી મંત્રી અર્જુનભાઈ મોઢવાડીયાના અધ્યક્ષ સ્થાને ગુજરાત વાયબ્રન્ટ રીજનલ સમિટ અંતર્ગત જિલ્લા કક્ષાનો કાર્યક્રમ યોજવામાં આવ્યો હતો. આ કાર્યક્રમમાં રાજ્ય મંત્રી રમેશભાઈ કટારા પણ ખાસ ઉપસ્થિત રહ્યા હતા.
દીપ પ્રાગટય થકી શરૂ થયેલ આ પ્રોગામમાં નિવાસી અધિક કલેકટર જે. એમ. રાવલ દ્વારા શાબ્દિક સ્વાગત કરવામાં આવ્યું હતું. ત્યાર બાદ પ્રભારી મંત્રી અર્જુનભાઈ મોઢવાડીયા તેમજ રાજ્યમંત્રી રમેશભાઈ કટારા સહિત ઉપસ્થિત તમામ મહાનુભાવોનું પુષ્પ ગુચ્છ અને મોમેન્ટો આપીને પરંપરાગત સ્વાગત કરવામાં આવ્યું હતું.
આ સંદર્ભે ઉપસ્થિત સૌએ VGRC પર AV તેમજ ન્યુ MSME પોલિસી ૨૦૨૬ પર ખ્સ્ ફિલ્મ પ્રસ્તુતિ નિહાળી હતી. ત્યારબાદ વિહંગ પંચાલ નામના યુવા ઉદ્યોગ સાહસિક એ પોતાને મળેલ સફળતા ને પોતાના શબ્દોમાં વર્ણવી હતી. એ સાથે વાયબ્રન્ટ ગુજરાત - ૨૦૨૬ અંતર્ગત દાહોદ જિલ્લામાં સ્થાપિત થનાર ઔદ્યોગિક એકમો દ્વારા સરકારશ્રી સાથેના MOU કરવામાં આવ્યા હતા.
આ પ્રસંગે પ્રભારી મંત્રી અર્જુનભાઈ મોઢવાડીયાએ પ્રેરક ઉદ્દબોધન આપતાં કહ્યું હતું કે, ગુજરાત રાજ્યમાં ઉદ્યોગનીતિઓ સાથે ડબલ એન્જીનની સરકારએ ગુજરાતને સમગ્ર વિશ્વ માં ડેસ્ટીનેશન સેન્ટર બનાવ્યું છે. ગુજરાત રાજ્યમાં ઉત્તમ પ્રકારનું ઇન્ફ્રાસ્ટ્રક્ચર છે. ગ્રામ્ય કક્ષાના રસ્તાઓ પણ ઉત્તમ કક્ષાના છે. એમ કહેતાં એમણે ધોલેરાનું ઉત્તમ ઉદાહરણ પ્રસ્તુત કર્યું હતું.
દાહોદ જિલ્લાની વાત કરતાં પ્રભારી મંત્રી અર્જુનભાઈ મોઢવાડીયાએ કહ્યું હતું કે, વિકસિત દાહોદ બનાવવા માટે દાહોદનું એકેએક ઘર, નાગરિક, પરિવાર અને ખેડૂતનો વિકાસ જરૂરી છે. વડાપ્રધાન નરેન્દ્રભાઈ મોદીના વિકસિત ભારત@2047 ના વિઝનને સાકાર કરવા માટે આપણે સૌએ ભેગા મળીને પ્રયાસો કરવાના છે. દાહોદ જિલ્લાને સમળદ્ધ બનાવવા માટે નવા સ્ટાર્ટ અપ ને વેગ મળે, મૂડીરોકાણ માટે ઉદ્યોગ ક્ષેત્રે દાહોદ પોતાની ઓળખ બનાવે એ એ માટે ઉદ્યોગપતિઓ પહેલ કરે એ જરૂરી છે.
આ પ્રસંગે રાજ્યમંત્રી રમેશભાઈ કટારાએ કહ્યું હતું કે, પહેલાની સ્થિતિએ આજના સમયે દાહોદ જિલ્લાનો ઘણો વિકાસ થઇ રહ્યો છે. સરકાર તરફથી તમામ પ્રકારની સહાય દાહોદના લોકોને મળી રહી છે. સાથે તમામ ક્ષેત્રો જેવા કે, શિક્ષણ,આરોગ્ય જેવા અનેક ક્ષેત્રોમાં દાહોદ વિકાસ તરફ આગળ વધી રહ્યું છે.
આ અવસરે લાભાર્થીઓને પ્રભારી મંત્રી અર્જુનભાઈ મોઢવાડીયા તેમજ રાજ્યમંત્રી રમેશભાઈ કટારાના હસ્તે મંજૂરી પત્રો એનાયત કરવામાં આવ્યા હતા. જેમાં કુલ રૂ. ૫૪ લાખથી વધુની સહાય આપવામાં આવી હતી. જિલ્લા ઉદ્યોગ કેન્દ્રના અધિકારીએ આભારવિધિ કરી હતી.
અંતમાં ઉપસ્થિત સૌ મહાનુભાવો દ્વારા પ્રદર્શન સ્ટોલ ની મુલાકાત લઇને તેઓનો ઉત્સાહ વધારવામાં આવ્યો હતો.
આ પ્રસંગે કલેકટર સુરભિ ગૌતમ, પ્રાયોજના વહીવટદાર પ્રતિક જૈન, જિલ્લા ગ્રામ વિકાસ એજન્સી નિયામકશ્રી પરમાર, જિલ્લા પંચાયત પ્રમુખ ગમાબેન મોહનિયા, દાહોદ નગરપાલિકા પ્રમુખ, દાહોદ ધારાસભ્ય કનૈયાલાલ કિશોરી, ગરબાડા ધારાસભ્ય મહેન્દ્રભાઈ ભાભોર, લીમખેડા ધારાસભ્ય શૈલેષભાઇ ભાભોર તેમજ અન્ય પદાધિકારીશ્રીઓ-અધિકારીશ્રીઓ, જિલ્લા રજીસ્ટાર કચેરી તાબાની લેમ્પસ / સેવા સહકારી મંડળીઓના સેક્રેટરીઓ તથા દાહોદ જિલ્લાના ખ્ષ્ટળણૂ વેપારીઓ, ઉદ્યોગપતિઓ, વિદ્યાર્થીઓ ઉપસ્થિત રહ્યા હતા
(10:46 AM IST)
છેલ્લા 8 દિવસમાં સૌથી લોકપ્રિય 
