અમદાવાદ :રાજ્યમાં બે સિસ્ટમ સક્રિય થતા અને ભેજવાળા પવનના પ્રવાહને કારણે અનેક વિસ્તારોમાં વાતાવરણમાં અચાનક પલટો આવ્યો છે. હવામાન વિભાગ મુજબ કચ્છ, મોરબી, રાજકોટ અને અમરેલી જિલ્લામાં વરસાદની શક્યતા વ્યક્ત કરવામાં આવી છે. સાથે જ ભાવનગર અને બોટાદ જિલ્લામાં પણ હળવા થી મધ્યમ વરસાદની આગાહી કરવામાં આવી છે. સાયક્લોનિક સર્ક્યુલેશન અને ટ્રફના પ્રભાવને કારણે આ બદલાવ જોવા મળી રહ્યો છે, જેના પગલે ગરમીમાં થોડો રાહત મળવાની શક્યતા છે.