સુરતમાં મહાનગરપાલિકા (SMC) ની કરોડો રૂપિયાની સરકારી જમીન પર ખડકી દેવાયેલી ગેરકાયદે મસ્જિદ મામલે છેલ્લા 12 વર્ષથી ચાલતી કાનૂની લડાઈનો આખરે અંત આવ્યો છે. પૂર્વ કોર્પોરેટર દીપક આફ્રિકાવાળા દ્વારા લાંબા સમયથી લડવામાં આવી રહેલા આ કાનૂની જંગમાં વકફ ટ્રિબ્યુનલે ઐતિહાસિક ચુકાદો આપ્યો છે. ટ્રિબ્યુનલે મસ્જિદના ગેરકાયદે બાંધકામને તાત્કાલિક અસરથી દૂર કરવાનો આદેશ આપ્યો છે અને વકફ ટ્રસ્ટને રૂપિયા 1 લાખનો આકરો દંડ ફટકાર્યો છે. આ મહત્વપૂર્ણ ચુકાદાને પગલે હવે પાલિકાના અટકેલા હેરિટેજ પ્રોજેક્ટને આગળ ધપાવવાનો માર્ગ સંપૂર્ણપણે મોકળો થઈ ગયો છે.