સુરતના સાયણ વિસ્તારમાં આવેલા 'અરના ક્લિનિક'માં એસઓજી (SOG) પોલીસે બાતમીના આધારે દરોડા પાડીને એક બોગસ ડોક્ટરને ઝડપી પાડ્યો છે. પોલીસે પશ્ચિમ બંગાળના રહેવાસી એવા ઝોલાછાપ નકલી ડોક્ટર વિશ્વજીત સરકારની ધરપકડ કરી આગળની કાયદેસરની કાર્યવાહી હાથ ધરી છે. કોઈપણ માન્ય ડિગ્રી વગર લોકોના સ્વાસ્થ્ય સાથે ચેડાં કરતા આ બોગસ ડોક્ટરના ક્લિનિકમાંથી પોલીસે મોટી માત્રામાં એલોપેથિક દવાઓ અને મેડિકલ સાધનો પણ જપ્ત કર્યા છે.