તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કાલથી અમદાવાદમાં પ્રથમ કોમનવેલ્થ કબડ્ડી ચેમ્પિયનશિપ
અમદાવાદઃ ૨૩ થી ૩૧ ઓક્ટોબર દરમિયાન વીર સાવરકર સ્પોર્ટ્સ કોમ્પ્લેક્સ ખાતે પ્રથમ કોમનવેલ્થ કબડ્ડી ચેમ્પિયનશિપ ૨૦૨૬ ની યજમાની કરવા માટે સજ્જ છે, ૯ દિવસ માટે પુરુષો અને મહિલાઓની કબડ્ડી સ્પર્ધામાં ૧૩ દેશો ભાગ લેશે.પ્રેસ કોન્ફરન્સમાં બોલતા, એમેચ્યોર કબડ્ડી ફેડરેશન ઓફ ઇન્ડિયાના જનરલ સેક્રેટરી જિતેન્દ્ર પ્રાણ સિંહ ઠાકુરે જણાવ્યું હતું કે, ‘‘અમદાવાદમાં પ્રથમ કોમનવેલ્થ ચેમ્પિયનશિપની યજમાની કરવી એ ભારતીય કબડ્ડી માટે ગર્વની ક્ષણ છે. અમે ભાગ લેનારી ટીમોનું સ્વાગત કરવા અને આંતરરાષ્ટ્રીય મંચ પર રમતની ભાવના, કૌશલ્ય અને સ્પર્ધાત્મકતા પ્રદર્શિત કરવા આતુર છીએ.''ઇન્ટરનેશનલ કબડ્ડી ફેડરેશનના જનરલ સેક્રેટરી તેજસ્વી ગેહલોતે જણાવ્યું હતું કે, ‘‘આ પ્રથમ કોમનવેલ્થ કબડ્ડી ચેમ્પિયનશિપ કબડ્ડીની આંતરરાષ્ટ્રીય હાજરીને વિસ્તારવા માટે એક મહત્વપૂર્ણ પગલું છે. કોમનવેલ્થ દેશોની રાષ્ટ્રીય ટીમોને એકસાથે લાવવાથી ખેલાડીઓને તેમની ક્ષમતાઓ દર્શાવવા માટે એક નવું પ્લેટફોર્મ મળશે અને વિશાળ વૈશ્વિક દર્શકોને આ રમતનો પરિચય થશે.''
(2:18 PM IST)
છેલ્લા 8 દિવસમાં સૌથી લોકપ્રિય 
