બનાસકાંઠાના દાંતા તાલુકાના સિયાવાડા ગામના જંગલમાં બકરાં શોધવા ગયેલી ચાર મહિલાઓ પર રીંછે હુમલો કરતાં અફરાતફરી મચી હતી. રીંછના હુમલામાં એક મહિલા ગંભીર રીતે ઈજાગ્રસ્ત થઈ હતી, જ્યારે અન્ય મહિલાઓને પણ ઈજા પહોંચી હતી. ઘટનાની જાણ થતાં દાંતા 108ની ટીમે જંગલમાં પહોંચીને ચારેય મહિલાઓનું રેસ્ક્યુ હાથ ધર્યું હતું. તમામ મહિલાઓને સારવાર માટે દાંતા સરકારી હોસ્પિટલમાં ખસેડવામાં આવી હતી. ગંભીર રીતે ઈજાગ્રસ્ત એક મહિલાને વધુ સારવાર માટે પાલનપુર ખસેડવામાં આવી છે.