અમદાવાદ ગ્રામ્ય લોકલ ક્રાઈમ બ્રાંચ (LCB) એ ચાંગોદર પોલીસ સ્ટેશન વિસ્તારના સનાથલ ગામની સીમમાં વીસ ચારી વાળા આટામાં આવેલા એક ખેતરમાં ખુલ્લામાં ચાલતા જુગારધામ પર દરોડો પાડીને એક મોટો કેસ શોધી કાઢ્યો છે, જ્યાં પૈસાની હાર-જીતનો તીન-પત્તીનો જુગાર રમી અને રમાડતા કુલ ૫ ઇસમોને રંગેહાથ ઝડપી પાડવામાં આવ્યા છે. આ સફળ ઓપરેશન દરમિયાન પોલીસે ઘટનાસ્થળેથી રોકડા રૂપિયા 1,75,000 તેમજ 8 વાહનો અને 6 મોબાઈલ ફોન સહિત કુલ રૂપિયા 15,75,000 નો અધધ મુદ્દામાલ જપ્ત કર્યો છે, જ્યારે દરોડા દરમિયાન અંધારાનો લાભ લઈને નાસી છૂટેલા અન્ય 8 ફરાર આરોપીઓને ઝડપી પાડવા માટે પોલીસે કાયદેસરની ચક્રો ગતિમાન કર્યા છે.