રાજકોટ : વરસાદ ખેંચાતા ખેડૂતોના મહામુલા પાકને બચાવવા માટે ડાંગરવાડા, નાના વડાલા, માખાકરોડ, મેટીયા, ડેરી વગેરે ગામને લાભ આપવા સૌની યોજનાનો નર્મદા પાણીનો વાલ્‍વ ખોલાવતા આ ગામના ખેડૂતોને લાભ થશે. આ પાણી છોડાવવા માટે નર્મદા જળ વ્‍યવસ્‍થાપનના અધિકારીઓ તેમજ વિધાનસભામાં બેઠેલા કાલાવાડના ધારાસભ્‍ય મેઘજીભાઇને પણ ટેલીફોનીક રજૂઆત કરેલ. ગામના આગેવાનો ડાંગરવાડાના સરપંચ મુકેશભાઇ કાકડીયા, ઉપસરપંચ તથા પૂર્વ સરપંચ રામજીભાઇ કાછડીયા, ગામના આગેવાન મનસુખ કાકડીયા નાના વડાલાના સરપંચ સુરેશભાઇ ગોલતર, જી. પંચાયત સભ્‍ય અતુલભાઇ કમાણી તેમજ તાલુકા પંચાયતના સભ્‍ય ભાવેશભાઇ મારકણા તેમજ ઉપરોકત ગામના આગેવાનોએ હાજર રહી ગોવિંદભાઇ પટેલને હારતોરાથી સન્‍માનીત કરીને આભાર વ્‍યકત કરેલ તેમ યાદીમાં જણાવાયું છે.