ગાંધીનગર: ગુજરાત સરકારના મહેસૂલ વિભાગ દ્વારા સચિવાલય, ગાંધીનગર ખાતેથી ૧૧ સપ્ટેમ્બર ૨૦૨૬ ના રોજ આદેશ ક્રમાંક: RD/MSM/e-file/15/2026/2578/D1 (સર્વિસીસ) હેઠળ એક મહત્વપૂર્ણ આદેશ જારી કરવામાં આવ્યો છે. સામાન્ય વહીવટ વિભાગ (GAD) ના સંકલ્પ અને સ્પિપા (SPIPA), અહમદાબાદના ૧૫ ઓક્ટોબર ૨૦૨૫ ના પત્ર અનુસાર, ગુજરાત વહીવટી સેવા (GAS - જુનિયર સ્કેલ) ના ૨૦૨૪ ની બેચના પ્રોબેશનર અધિકારીઓની તાલીમ કાર્યક્રમના ભાગરૂપે વિવિધ તાલુકા અને સબ ડિવિઝનમાં ઈનચાર્જ પ્રાંત અધિકારી (PO) અને સબ ડિવિઝનલ મેજિસ્ટ્રેટ (SDM) તરીકે નીમણૂક કરવામાં આવી છે.

મહેસૂલ વિભાગના અંડર સેક્રેટરી (સર્વિસીસ) ઋત્વિક સોનાગરા દ્વારા જારી કરાયેલા આદેશ મુજબ, આ તમામ ૧૩ પ્રોબેશનર અધિકારીઓ ૨૬ ડિસેમ્બર ૨૦૨૬ સુધી સંબંધિત તાલુકા અને સબ ડિવિઝનમાં સ્વતંત્ર પ્રાંત અધિકારી અને સબ ડિવિઝનલ મેજિસ્ટ્રેટ તરીકે સેવાઓ આપશે.

નીમણૂક પામેલા અધિકારીઓ, ફાળવાયેલા જિલ્લાઓ અને સબ ડિવિઝનની યાદી:
 * અક્ષર રમેશભાઈ ઠુમ્મર: કચ્છ જિલ્લો - લખપત તાલુકો / નખત્રાણા સબ ડિવિઝન
 * શ્રીમતી સૃષ્ટિ મયંક શાહ: ખેડા જિલ્લો - ખેડા તાલુકો / ખેડા સબ ડિવિઝન
 * કલ્પેશકુમાર બળદેવભાઈ ગાલિયા: ભરૂચ જિલ્લો - હાસોટ તાલુકો / અંકલેશ્વર સબ ડિવિઝન
 * શ્રીમતી તાપસ્વી અજિત વાઘેલા: બોટાદ જિલ્લો - ગઢડા તાલુકો / બોટાદ સબ ડિવિઝન
 * રાજેન્દ્ર જોઈતારામભાઈ પટેલ: સાબરકાંઠા જિલ્લો - તાલોદ તાલુકો / પ્રાંતિજ સબ ડિવિઝન
 * સંદીપસિંહ પ્રદીપસિંહ ઝાલા: છોટાઉદેપુર જિલ્લો - કવાંટ તાલુકો / છોટાઉદેપુર સબ ડિવિઝન
 * શુભમ સિંહ રામસિંહ રાઠોડ: તાપી જિલ્લો - કુકરમુંડા તાલુકો / નિઝર સબ ડિવિઝન
 * પ્રશાંત ગંભીરદાન ગોરવિયાળા: રાજકોટ જિલ્લો - જામકંડોરણા તાલુકો / ધોરાજી સબ ડિવિઝન
 * શ્રીમતી આયુષી દિલીપકુમાર પટેલ: ગાંધીનગર જિલ્લો - દહેગામ તાલુકો / ગાંધીનગર સબ ડિવિઝન
 * શ્રીમતી મોસમબેન પરેશકુમાર પટેલ: સુરત જિલ્લો - મહુવા તાલુકો / બારડોલી સબ ડિવિઝન
 * યોગેશ નંદલાલભાઈ બારડ: જામનગર જિલ્લો - જામજોધપુર તાલુકો / લાલપુર સબ ડિવિઝન
 * ધ્રુવ કાંતિભાઈ ડામોર: બનાસકાંઠા જિલ્લો - અમીરગઢ તાલુકો / દાંતા સબ ડિવિઝન
 * હિમાંશુ ભરતભાઈ ડામોર: દાહોદ જિલ્લો - ગરબાડા તાલુકો / દાહોદ સબ ડિવિઝન

ગુજરાતના રાજ્યપાલના નામે અને આદેશથી કરાયેલી આ નીમણૂકની નકલ જરૂરી જાણકારી અને યોગ્ય કાર્યવાહી અર્થે ગાંધીનગર સ્વર્ણિમ સંકુલ-૧ ખાતે મુખ્યમંત્રીના સચિવને પણ ઈ-મેલ મારફતે મોકલી આપવામાં આવી છે.