સુરતના ઓલપાડ સ્થિત ડભારી દરિયામાં ભારે કરંટ જોવા મળ્યો છે, જ્યાં તેજ પવન અને મોટી ભરતીના કારણે દરિયામાં ઊંચા-ઊંચા મોજાં ઉછળ્યા છે અને દરિયો અત્યંત તોફાની બન્યો છે. સંભવિત જોખમને ધ્યાનમાં રાખીને સુરક્ષાના ભાગરૂપે દરિયા કિનારો પ્રવાસીઓ માટે સંપૂર્ણપણે બંધ કરી દેવામાં આવ્યો છે. વહીવટી તંત્ર દ્વારા કોઈપણ અનિચ્છનીય બનાવને ટાળવા માટે દરિયાકિનારે વિશેષ તકેદારી વધારી દેવામાં આવી છે.