આજે મોડી સાંજે અમદાવાદના અનેક વિસ્તારોમાં વરસાદ પડ્યો છે. શહેરના વેજલપુર, સરખેજ, શ્યામલ, એસજી હાઈવે સહિતના વિસ્તારોમાં વરસાદ ખાબકતાં વાતાવરણમાં ઠંડક પ્રસરી ગઈ હતી 

 બગોદરામા પણ વીજળીના કડાકા-ભડાકા સાથે ધોધમાર વરસાદ થયો છે. સિઝનના આ પહેલા ધીમી ધારે શરૂ થયેલા વરસાદને કારણે ધરતીપુત્રોમાં ભારે આનંદની લાગણી છવાઈ ગઈ છે. આ સાથે જ ધોલેરા પંથકમાં પણ મેઘમહેર થતાં વાતાવરણ આહલાદક બની ગયું છે. વરસાદના આગમનની સાથે જ ખેડૂતો હવે આગોતરી ખેતીના કામોમાં જોતરાઈ ગયા છે.